Ich Sezema von auge pey d(er) lofnicz mein pruder vnd all vnser erben verjehen offenbar mit dem
brief allen den die in sehent od(er) horent lesen daz wir mit wolbedachtem muet vnd nach vnser
peften frewnt rat vnser lieben swest(er) Juncfraw Elspeten dem edelen heren hainreichen dem Tuschl
von saldenaw ze ein eleichen geben haben vnd haben yem zu ir auch zu recht haimstewr vnd
heirat gut ze geben hwnde schokch vnd vierzig schokch grozz(er) gut(er) prag(er) phennig vnd der haben
wir in pericht auf vnzzn dorffern zu pakanicz vnd plana alzo daz in all jar iarleich zu djenst da
phan gevallen sol ir fur zehen schokch and(er)halb schokch grozz(er) gut(er) p(ra)g(er) phennig an all vnser(er)
chrig vnd wid(er) red er sol auch d(er)zelb(e)n ezlbay d(er)erff seczen vnd stiftntn wen er wil od(er) wem er wil
mit vnser guttn wyllen vnd an all wid(er) red vnd der selben d(er)erff sullen wir in trewleich pe
sobn vnd phar antwrtn wo in dez not geschiht trewleich an alz gefer vnd woltan od(er) musten si ir
vorgenantz gelt haben so mugen si ir vorgenant d(er)rff wol dar vmb v(er)seczen vnd p(er)bekennen
wem si wellnt od(er) wo si mugen mit vnsern guten willen an an allen vnsern chrieg vnd wid(er) red
vmb alz vil geltz alz wir in v(er)seczt haben vnd wem si di d(er)rff v(er)sacznt dem sullen wir alle
dez geswnden zawn daz ondem prief gsriben ist vnd dar vmb haben wir in zu sampt vnd
|v(er)schaidenleich| zu porgen gsaczt vnser lieb fraw vnd frewnt vnd hern petn vnd vlreich vnd h(er)n
Johan von rosenberg vnd h(er)n Sezema vnd h(er)n vlreich vnser lieb vetn von auge mit d(er) beschaidn
ob im allz daz andem brief v(er)schriben ist in dhain wayz v(er) zogn w(er)rde so hat er woltn vnd vns(er)
vorgenden porgen d(er) vmb zu man vnd nach d(er) manung sol vns(er) vnser ygleuch(er) iem ein erbn dien(er) mit
zwain pfertngem legen gen pazzaw in die stat in ein erb(er) gasthawz wo er vns hin zaigt vnd da
sullen da mit recht laistung nimm(er) awz chomen vnz daz er des abgang vnd gepristn dan er ge
numen hiet gar vnd gancz gericht vnd gelert wirt gewleich an allz gelaub war ab daz
in dye laistung mit u(r)taib v(er)zogen w(er)rd wie getann schaden er dez nam den er vngerech
vnd vnbesworn an ayd gesprochne m(er)r sein(er) worten dar vmb ze gelauben den sullen wir im
gar vnd gancz ab tun vnd wid(er) chern gewleich an allz gelaub vnd daz sol er haben auf
vns(er)n trewn vnd dar zue auf vnser vnd aller vnser vorgenant porgen hab wo wir die
od(er) all vns(er) haben od(er) lassen wie di genant ist besucht vnd vnbesucht war auch daz d(er)
porgen in d(er) zeit ain od(er) mer abgieng so sullen wir iem dar nach in zwain maneyden ir ainen
od(er) and(er) alz gut secze alz d(er) tod gewesen ist vnd wez wir mit im dar vmb ze chrieg wurdn
daz sol er an all(er) stat recht haben vnd wir vnrecht vnd sw(er) den brief mit meim willen
inn hat zaigt od(er) fur pringt d(er) hat hincz vnd all(er) die recht die an dem brief geschribn
stent dar ob(er) zu einem vrkhund daz in daz all(e)z stat vnd vngebrochn beleib