In nomine domini amen. Othakarus dei gratia
Rex Boemorum, dux Austrie, Stirie, Karinthie,
Marchio Moravie, d(omi)n(u)s Carniole, Marche
Egre ac portus naonis omnibus in perpetuum;
ut Regi Regum eterno Rex complaceat temporalis,
sollicitudo regia pervigili debet studio meditari,
qualiter piis locis, ac personis illis precipue,
que in carne preter carnem viventes, vitam
ducunt angelicam sub celibati castimonia que
sola potens est in fiducia deo animas presentare,
taliter manum porrigat adjutricem q(uod) ab eo,
qui pro rebus caducis imarcescibilem dat coronam
digne retributionis p(re)mia consequi, et successoribus
benefaciendi relinquere valeat pie imitationis
exemplum, proinde quoque est, quod nos religiosis
d(omi)nabus sororibus sancte Clare in Egra divine
propitiationis obtentu villam in Treinstl spec=
tantem olim ad castelaniam Egren(sem) cu(m) censu,
decimis ac aliis suis juribus universis de
speciali gr(ati)a n(ost)re munificentie dedimus con=
tulimus et donavimus in perpetuum libere
proprii jure possidendam; ad cujus rei memoriam, et cau=
telam eisdem sororibus presens privilegium
dari mandavimus sigillorum nostrorum