Ich Georg warkcz von Nopphitz Ro(mischer) ku(niglicher) Ma(jesta)t (etc) Haptman
haubtman und veld marschalch Bekhennen alß mir der
allerdurchlauchtigist furst unnd Herr Herr ferdinand Ro(mischer)
auch Hungern und Behaim (etc) khunig Infant in Hispa=
nien Ertzhertzog zue Osterreich marggraff zue merhern
unnd lausitz (etc) Graff zue Tyroll (etc) mein Allergnedi=
gister Herr Ain summa gelts nementlich drey tausent Siben
hundert funff unnd Sechtzig gulden Reinisch unnd dreyßig
Creutzer Inen phening ye fur ain gulden funfftzehen patzen
oder Sechtzig Creutzer gerechnet von wegen meiner dienst
so mir Ir Ma(jesta)t im Landt zue Hungern laut aines außzugs
unnd abrechnung schuldig bliben Auff dem Hauß der
Comenthurey zue Chriesthen und des selben zuegehorun=
gen Auch dieselb Comenthurey sambt etlicher massen
verschriben, welche verschreibungen von wort zue wort also laut
wie hernachvolgt Wir ferdinannd
von gottes gnaden Romischer kunig zu allen zeiten merer
des Reichs in Germanien zu Hungern Behaim Dalmatien
Croatien (etc) khunig Infantt In Hispanien Ertzhertzog zue
Osterreich marggrafe zue merhern Hertzog zue luczemburg
und In Slesien marggrafe zue lausitz (etc) Bekhennen
fur uns unser Erben und nachkhommen Offentlich mit
disem Brieff Nachdeme uns der gestreng unnser
getreuer lieber Georg warkcz von Nopphitz unnser