IN NOMINE domini AmEN. Conditorum perit memoria more fluentis aque decurrencium
que non litterarum presidio et testium amminiculo fuerint insignita. Hinc est quod nos Borso de Risenburch pre
sentibus ac posteris hec scriptum intuentibus volumus esse notum quod nostri dilecti Avunculi Fridericus et Theo
dericus fratres vterini dicti de Schonenburch villam Otwitz quam multis transactis temporibus libere ac
quiete possederint Honorabilibus ac Religiosis viris fratribus hospitalis sancte marie domus theutonice
in chomotovio cum omnibus attinencijs ad ipsam villam spectantibus vendiderint omni jure proprietario
perpetualiter possidendam. Nos itaq(ue) arbitrantes esse jndignum ueraciter ut eor(un)dem nostrorum Avunculorum
utpote seniorum irrefragabiliter in omnibus conformemur beneplacitis. et licet ad nos eadem villa respectu
predecessorum nostrorum quondam uideretur habuisse dependenciam qua tamen non obstante huiusmodi
vendicioni grato fauore plenius annuimus Empcionem q(ue) fratrum dictorum approbamus omni juri
quod in eadem villa et eius attinencijs hactenus habuimus aut habere per consequens una cum nostris
successoribus quocu(m)q(ue) modo possemus jntegraliter abrenunciantes arbitrio spontanee voluntatis.
Vt autem vniuersa et singula prehabita rata perhenniter Ac inuiolabilia perseuerent pre(sen)ti(um) testimonio
presentem paginam supra memoratis fratribus dedimus nostri sigilli munimine roboratam.
Ad maiorem deniq(ue) securitatis euidenciam p(ro)fitemur nos ante dictam villam cum suis attinencijs coram
domino nostro Serenissimo Rege boemie ipsius fauore plenius accedente fratri hynrico de Biet
ordinis eiusdem prouinciali per boemia(m) et morauiam sub fratrum suor(um) nomine resignasse. protestamur
Jnsup(er) nos auctoritate nostra fungendos misisse videlicet militem nostru(m) dominum zrilonem
de lubschewez. ornhardum de hoenstein. fridericum sagitarium. fridericum de aldendorf. qui eande(m)
villam cum suis terminis distingwentes secundum t(er)re morem ex mandato p(re)fati domini Regis
domino Alberto de seberch cooperante circumquiuerunt. presentibus testibus quorum nomina per
litteram Auunculorum nostror(um) q(ua)s antea conscripsimus exprimuntur. Acta sunt hEC Anno
Jncarnato(n)is dominice. M(illesimo). CC(entesimo). Lxxxx(quint)o. datum ~Sedelitz~ vij jdus aprilis.