Wir Rudolf der ander von Gottes gnaden Er
welter Römischer Kaiser, zu allen zeiten, merer
des Reichs, In Germanien, zu Hungern, Behaimb, Dalmatien,
Croatien &c. Künig &c. Ertzhertzog zu Osterreich, Marggraue zu
Mehrern, Hertzog zu Lützemburg, Vndt in Schlesien, Marggraue
Zur Laußitz &c. Bekennen, Vndt thun khundt, gegen Allermenniglich,
Daß Vnß die hochgeborne Vnsere Ohaimbe,
Fürsten, Vndt lieben getreuen, Heinrich Vnd Carll in Schlesien
Hertzoge zu Münsterbergk Vndt Olßen, diemütigclich, Vnd vleissig
gebetten, Daß wir Inen also gnedig Zusein, Vndt Inen Vber
Ire fürstenthumb, Landt, Vnd leütte, so von Vnß alß Regierendem
Künig Vnd der Cron zu Behaimb zu lehen rüren, die lehen gne
diglich Zuuorleihen, so wol Inen, alß Vngesonderten, Vndt Vn
getheilten Gebrüdern, ein gesambte handt, sambt allen Vndt
ieden Iren Priuilegien, handtuesten Vnd Briefen, so Sie
Vnd ihre Vorfahren, Von Vnsern Vorfarn Römischen Kaisern,
Vnd Künigen, auch Künigen zu Hungern Vndt Behaimb, Vber
Ire Gütter, Schloß, Stett, Landt Vndt leütte, mit allen Iren
ein Vndt Zugehörungen, Deßgleichen auch Vber etzliche sonder
liche freyheiten, begnadung, Herrschafften, Bergkwerck, Müntz
Straß Vnd Mauth, auch andere ding, waß die weren Vndt sein
möchten, zu Confirmiren, Vndt Zubestettigen geruheten;
Wann Wir dan angesehen, Vndt betracht, Ire Diemüttige groß,