Ich Adam Karl Mangolt Röm(ischer) Kay(serlicher) Mt(ajestät) Erbförster
Zu Schlakenwaldt, Bekhenne für mich Meine
Erben, Vnnd Nachkhomen Offentlich mit
diessem Brief für menniglich, Nach dem die
Röm(ische) Kay(serliche) Mt(ajestät) mein Aller gnedigister Herr,
auf mein Gehorsambist Supliciern der
khay(serlichen) Cam(mer) beschehene auf gerichte Handts
Verschreibung, so deß 11. Octobris Verschiens
84 Jars Datirt, mir das Vmbst ~Rödbiß~
Weyr gegen Auß Zallung 800 Taller mit
gewissen Conditionen khaufes weiß, Bewil
liget Eingegeben, Daß ich dem Nach,
für mich mein Erben Vnnd Nachkhomen,
Zuegesagt Vnnd Versprochen Habe, Thue solches
auch hie mit wissentlich Vnnd in Crafft diß
meines Revers Mich solcher Jrer Mt(ajestät) Be
nedigister Verschreibung, Vnnd darinnen In
Serirten Clausulen Vnnd Puncten Nach der Zeit
der Inhabung in Allem gehorsamblich Zue
geloben, Zue Verhalten, Vnnd Nachkhomen, Zue
Vrkundt Hab Ich dissen Revers, mit meinem
Angebornen Pitschafft, Vnd Aigner Handt,
Vnderschrift Bevestigt Geben den fünfft
Vnd Zwaintzigisten Junij Ao 1585 Jar.
Adam karl mangolt
mein handt