N O S R V D O L P H V S
Secundus Divina favente clementia electus Romanorum Imperator, semper Augustus ac Germaniae, Hungariae, Boemiae, Dalmatiae, Croatiae et Sclavoniae Rex, Archidux Austriae
Dux Burgundiae, Marchio Moraviae, Lucemburgen(sis) et Silesiae Dux, Lusatiaeq(ue) Marchio &c. Recognoscimus ac notum facimus tenore praesentium universis ac singulis quibus ex=
pedit. Cum nonnullae differentiae hactenus inter Maiestatem nostram Caesaream ac Regiam et Illustrem Ordinem S(anc)ti Joannis Hierosolymitani, ratione Collaturae Prioratus In=
clyti nostri Regni Boemiae eidemq(ue) subiectarum Commendarum extiterint, Nosq(ue) ab eiusdem Illustris Ordinis Oratoribus ante hac saepissime novissime vero a Generoso fideli
nobis dilecto Don Hieronymo a Ghevarra (cui hoc negotium Ma(iesta)ti n(ost)rae nomine Illustris Ordinis denuo summa cum diligentia et animi subiectione proponendi commissum
est) quam humillime rogati essemus: Vt causam hanc cum annexis Ordinis Juribus, Supremis Regni n(ost)ri Boemiae Officialibus atq(ue) Consiliarijs non solum penitus recog=
noscendam examinandamq(ue) clementissime demandare: Verumetiam benignissimam mentem n(ost)ram per Caes(are)am et Regiam resolutionem gratiosissime Illustri Ordini ex=
ponere dignaremur. Considerantes itaq(ue) eiusdem Inclyti Ordinis egregiam, indefessam, fructuosissimamq(ue) toti Christianae Reipub(licae) a multis seculis hucusq(ue) adversus com=
munem fidei n(ost)rae hostem Turcam navatam operam: nec non singulare studium animiq(ue) promptitudinem et obsequium (nulla vel temporis vel loci vel etiam periculi
habita ratione) ad clementissimum beneplacitum Ma(iesta)tis n(ost)rae Caes(areae) Antecessorumq(ue) nostrorum Romanorum Imperatorum et Regum Boemiae, speciatim vero Augustissimae
Domus nostrae Austriacae, domi forisq(ue) praestitum: Deniq(ue) et multiplices ac praeclarissimas Intercessiones, cum Summi Pontificis Serenissimiq(ue) Hispaniarum Regis Catho=
lici, tum etiam Serenissimorum Archiducum Austriae, Amplissimorum Cardinalium, Illustrissimorum Sacri Romani Imperij Electorum et Principum saepius repetitas be=
nignissime perpendentes: non humillimae aequissimaeq(ue) praefati Illustris Ordinis petitioni deesse voluimus: sed una cum supremis huius nostri Regni Boemiae Officialibus
atq(ue) lectissimis Consiliarijs totius negotij seriem, seu merita causae, ut ea a Don Hieronymo de Ghevarra Oratore proposita, authenticisq(ue) instrumentis abunde probata fuere, dili=
genti cura et matura deliberatione adhibita consultavimus: eoq(ue) ex innata nostra Caesarea Regiaq(ue) bonitate et munificentia, tanquam Rex Boemiae de expressa nostra senten=
tia et scientia, condescendimus: ut vigore huius nostri Augustissimi Diplomatis certo statuamus decernamus et velimus, ut ius conferendi Prioratum Regni Boemiae, illiq(ue) ad=
iunctarum seu subiectarum Commendarum Illustris Ordini plenissime in posterum competat: hac tamen expressa conditione et lege reservata: ut si nos successoresq(ue) nostri Boemiae
Reges unum vel plures bene de nostris Maiestatibus meritos Ministros (qui quidem secundum Ordinis statuta et receptum morem et Regulam ad hoc habiles idonei et qualificati
fuerint) Illustri Magno Magistro praesenti vel futuro litteris nostris Regijs clementissime commendaverimus: Idem Magnus Magister modernus vel futuri teneatur et tenean=
tur eundem vel eosdem ministros nostros seu commendatas personas non solum in numerum Equitum cooptare, et allegere: verumetiam ijs (siquidem extranei non sint, sed
Regni nostri Boemiae et incorporatarum ipsi Provinciarum Indigeni extiterint) de Commendis illis modo prospicere, eoq(ue) iuvare et prae ceteris sibi commendatos habere:
Quae sane transactio futuros duntaxat casus concernat oportet, ijq(ue) qui Commendas vel etiam gratias exspectativas a Ma(iesta)te n(ost)ra Caes(area) Regiaq(ue) iam ante obtinuerunt, ut hinc
exempti sint, atq(ue) Commendis ijs gaudere et frui debeant. In quorum omnium (ut praefertur) fidem, authoritatem et testimonium, tria unius tenoris Diplomata confici
iussimus. Vnumq(ue) supranominato Don Hieronymo de Ghevarra Oratori, Alterum vero Supremo Magistro Prioratus Bohemiae, Tertium deniq(ue) Cancellariae Inclyti nostri
Regni Boemiae assignari mandavimus. Datis ex Regali nostra Praga Nona die Mensis Junij, Anno a partu Virginis, Millesimo, Quingentesimo Nonagesimo
octavo, Regnorum nostrorum, Romani Vigesimo tertio, Hungarici Vigesimo sexto, et Bohemici itidem vigesimo tertio.