Ich Nicolaus Ratschiner von Rat
schin vff Pürles vnndt Beserau, hiemit vor mich mei
ne Ehelige Haußfraw, vnser beyder Erben vnndt Erbnehmer
gegen menniglichen Vrkund vnndt bekenne, Wie das mir die
auch Edle vnndt VielEhrentugentreyche Jungkfraw Katharina
Dietzheinin, meine in Ehrengelübte freüntliche liebe Jungkfraw
Muhm vnndt Braut, Zu meiner vorstehenden Notturfft
vnndt gelegenheit Eintausendt schockh meiß(nisch) Jedes sch(ockh) z(u) 60 kr(euzer)
vnndt den th(aler) z(u) 70 kr(euzer) gerechnet, vorgestreckht vnndt ge
lihen, Welche Ich alß vnden benembten dato, an gütter grob
vnndt ganckhaffter müntz Zu meinen henden bahr vber empfang(en)
vnndt derselbe(n) Allso empfang(en) halben, hiemit gäntzlichen
Quittire thue. Zusage vnndt verspreche
demnach vnndt hierauff bey meinen wahren wortthen, guthen
Adelichen Trewen vnndt glauben, Das Ich gedachter meiner
gleübigerin, dero Erben, od(er) rechtmessigen Inhaber diß brieffs,
so lange Ichs mit dero guthen willen vnndt wissen Inhendig
haben werde, Jherlichen mit landes gebreüchlichen Interesse
verzinse, die selbe nicht allein Jedesmahl halb Georgij
vnndt halb Gallij Zu ihren freyen henden, ohne einige mühe
verwendung in ihre gewahrsamb vnvertzüglich vbersende,
Sondern auch Hernacher (Jedoch wann es mir ein halbes
Jhar Zuuorn, es sey Gallij od(er) Georgij auffgekündiget württe)
Allso nach verfliessung des halben Jhars, beydes ein haubt
Summa vnndt Verfallener zinße, mit baren gelde, an gütter

3025

Vnuerthleyener