Wladislaus vonn gots genadenn kunig zue Behem Marggraue zue Merhern Herczog zue Luczemburg vnnde Slesienn Marggraue
zue Lusacie Bekennenn offennlich mit disem briue allermeniglich wiewol wir vonn angebormer guete vnnd kuniglicher wirdikeit alle vnnde yegliche vnnser vnndertanen vnnd getrewenn nach vnnde
frommen zue bestellenn geneygt sind doch dunckt vnns das wir mehr pflichtig sind alleinn den die vnns vnnde vnnser Crone zue Behem mit trewn gedint habnn vnd furbas zudinen willig sind
nucz vnnde frommen zuschaffenn wann nu fur vnns erschinenn ist der Edl Thyme vonn Koldicz zue Biela vnd zum Grawppn vnnser lieber getrewer vnnde hat vnns demutigklich gebetenn das wir
den ersamenn seinen Burgern Bergklewtenn vnd Inwonern zum Grawppn vnnde allenn Iren erbenn vnnde nachkommen die hernach geschribn freiheit vnnde begnadung geben verwillenn vnd zue
bestetign geruchtem zum ersten ein erbe ader wapn einenn schilt in drei geteilt Rot guldnn vnnde himelplo vnde in dem Roten velde einenn weissn lebn mit einer guldn Crone vnde guldn klauen mit
eim entwachtign weissn zagel der Im geet durch dz pein die zungnn gel aufgeslagn hiefortan darnach hinder Im in dem guldn velde ein halben swarczn lebn das furder tail bies vbir die prust mit
eim swarczn entwachtign zagel darunter drei swarcze streich vnnd vnder den weissn vnde swarcznhalben lebn in dem himel ploben velde einen hew
er in eim weissen Bergkkitel mit slegel vnde eisn die sein vorn silberweis vnd ein steinfels vorn Imen vnde vnnder Im dorein der hewer shuffet vnde
der selbig stein velsi mit einer grawen stein varbe durch sprengit mit ercze allis miteinander in einem schilde alsdann solich des molers gemele in disem
briue clerlich ausdruckt vnde das die bemelten vom Grawppn solichs erb zu stat In sigel vnnde secret habnn vnde dorgue mit Rot wachs vesigeln zu
als solichs erbe vnd wapen gebrauchnn furtn an Iren schilcz vnd fannen zue schimpff vnnde ernst wo sie des bedurffn Auch das sie mugn einen Iar
marck haldenn den nehstenn Montag noch vnnsers hernn himel vart tage mit aller freihait zinsen renten nuczenn In massn als ander
vmligende stete in der crone noch Irem pestenn erkentnuss In gemein nucz zue gute Mehr das wir sie begnadn mit statrechtinn Also
das sie mogenn einenn Burgermeister secznn auch Ratleute vnnd alle an der der stat ambtleut kiesen secznn vnnde entsecznn als die notturfft heischet
vnnd sie vonn alders her egehatnn habenn doch vnnschedlich aller perge freihaite damit sie der auch geniessnn vnnde gebrauchnn mochten vnnd das
man auf allenn strassenn Im lannde zue Behem frei zue vnnde abe zue farn treibnn ader tragn Es sei zue dem genantenn Iarmarckt ader sust alle
tage vnnde wochnn on meniglich hindernuss ausgenomenn Idermann an seiner alder redlicher gerechttikeit vnnde das nymant Newe zolle ad
er aufsecze auf sie mache in einer tagreiss Auch was der bemelt vonn Koldicz ader sein vorfarnn den bemeltenn vom Grawppn vor freiheit
in seiner herschafft der er macht hette gegebenn wer oder noch wes Er in seiner herschafft macht zue gebnn hette gebn wurde doch vnnschedli
ch vnns an vnnser obrikeitt vnnde gerechttikeitenn die selbenn freiheit wollenn wir das die yncauch gehaldenn vnnd nit zurutt werdd des
habenn wir angesehnn getrewe vnnd willige dinst die der bekantt von Koldicz vnnde seine vorfarnn Auch die bemeltenn Burger vnnd Berg
lewt zum Grawppn vnns Ir vorfarn vnns vnde vnnsern vorfarnn offte vnnd dick nuczlich vnnde williglich gethann habnn Inkunfftigin
zeitnn noch thun sollenn vnnde mogenn darumb mit wolbedachtem mute gutem Rate vnnd rechter wissnn habenn wir den vorgenantn
Burgern Bergklewtenn Inwonernn vnnd gancznn gemein zum Grawppn Iren erbenn vnnde nachkominen solich erbe vnnde wapn
vnnde stat In sigel vnnde secret dargue mit Rotenn wachs zuuesigelnn Auch des zu geniessnn in fannen vnnd zue gebrauchnn zue schimpff
ader ernst auch statrecht ein Burgermeister Ratleut vnnd der stat ambtleut zu kiesen zuesecznn vnnd ein Iarmarckt zuhaldenn vnnde
was der bemelt vonn Koldicz ader seine vorfarnn vus seiner herschafft gegebenn hatnn ader noch gebenn mochten wie vorgemelt gnediglich bestetigt gegebenn vnnde dargue verwilligt gebn
bestettignn vnnde verwillenn das vonn kuniglicher macht in crafft diezs briefs Meinenn secznn vnnde wollenn das solichs freihaite vnnde vnnser begnadung in allnn obgeschribnn punctnn
clausulnn stuckenn vnnde artikellnn vonn vnns vnsenn nochkominen kuniginn zue behem stete gancz vnnd vnuerbrochinnlich zue ewign zeittenn sollen gehaldenn werddn doch vnns
an vnnser obrikeitt vnnde gerechttikeitenn onschadn vnnd meniglich an seinem rechtn darumb gebietenn wir allenn vnnsern haubtleutenn ambtleutenn vnde allen vnnsern vnnderta
anenn vnnd libnn getrewnn ernstlichinn vehestnn die bemeltenn Burger Bergklewt vnnde Inwonern zum Grawppn solicher vnnser begnadung vnnde freiheitt gerwlich geniessn vnd
gebrauchn lassnn dawider nit thun noch ymant zuthun gestatn als lieb eim Idem sei vnnser swere vngenade zuuermeidnn Mit vrkunt diezs briefs vesigelt mit vnnsern kunigli
chinn anhangign In sigel der gebenn ist zue Prag am dinstag noch der heilign dreier kunig tage nach cristi geburt vierczehennhundert darnach Im achtonnd sibenczigistn
vnnsers reichs Im sibenndn Iare
Ad mandatum d(omi)ni Regis d(omi)n(u)s sbenesko de (con)l(o)w(ra)th
Burggrauius in karlst(ein) et g(e)n(er)al(is) d(omi)ni Luth(er)i referen(s)