Wir Wladislaus von gotes gnaden künig zu Behem Marggraue zu Merhern Herczog zu Luczemburgk unnd in der Slesien
unnd Marggraue zu Laußnicz Bekennen unnd tun kundt offenlich mit disem briue yom allermeniglich als bey neulichen
disen tagen von den fursten Hern Rittern unnd Edlen unnsers lieben getrewen Marck unnd Lannd von yne durch unser künig
clich an genant Hilff geseczen und gestewert ist zu unnsern mercklichen anliegen nutz unnd frumen und nebent der Hilff uns
die auch zu tun von den Adel unnd Erbernn Mannen des Bechynischen Crais als ynnwonern auch begert Habenn und wie
wol das ist unnd wir auch aigentlich wissen das dieselbenn erbermann der und ander Craiß uns zugeben von unsern
vorfarnn künigen zu Behem mit irer und Irer begnadungen befreit geseiczt unnd das auch mit ainer Tappffern Summa
geldes Innhalt gekaufft Habenn unnd von rechts wegen solher Stewre ganczlich unphlichtig sein So Habenn sie sich dannocht
mit ains wolten Sundern aus freyem willen unnd ganczen trewen die sie zu unns als Irem erbhern Habenn gutwillig
finden lassenn unnd in ainer Summa unns und zu gemainem nutz ain Stewr und Hilff gegebenn das wir von begerun
unnd erfindenn sie so unverslagen darumb wir und unn nachkumen in zeiten kains schad an gnadenn Iren Herkumen und gerech
tigkait in kainen wege unnd anpfehen solln wie teur und redlichkait das sie sich gutwillig erzaigt Haben das wir auch
von yne vast danckparn und Ir wolgefellig Habenn darumb aus bewegtem mut unnd rechtem und frischem vorrate
unnser Rät unnd Erber getrewen unnd küniglicher unnser macht so globen wir Imen bey unnserm küniglichen wortt
in crafft diczs brieffs fur unns und unnser nachkumen künig zu Behem was nun also die genanten Erbermann getrew
Haben das yne unnd Iren nachkumen dasselb zu kainen schaden hinderung irer befreiung und gerechtigkait sein sol
und das nymands vor ander nemen dann was sie unns yeczo getann solchs von yne fur unnsern begeren gutwillig
kait unnd bewilligenn unnd aus kainem rechten und sol yne unnd Iren nachkumen yeczo und In kunfftig zeiten an all Ir
rechtigkait und unphlichtigkait irer begnadung freyen stete fest unnd unuerbrochen sein Des zu urkund diczs
brieffs versigelt mit unnserm küniglichen anhangendem Insigel Gebenn auf unnserm Sloss zu prage am Mon
tag nach der Heiligen driualtigkait tag Nach unnsers Hern geburt Tausentvierhundert unnd im Sibennund
achtzigistem Unnsers Reichs im Sibenzehendem Jare

Ad mandatum domini Regis
Johannes de Ossenburg
Cancellarius Regni Bohemie