5. P. 3
1706.
letzten July 1559.

Des Pfaltzgraffen Friderichs
dem Kayser Ferdinando in forma
Authentica überschickter Vertrag
Königs Georgij mit dem Pfaltzgraff
Ottoni, nebst dem darauff erfolgten
Lehen Brieff de a(nn)o 1559: in Copia vidimata

Nro 2377.

E. 5.

60

Wir Friderich von Gottes gnaden Pfaltzgraue bey
Rhein, des heiligen Römischen Reichs ErtzTruchseß und
Churfürst, Hertzog Inn Baiern, Bekennen und thuen
kundt meniglich hiermit disem brieue, Alß von dem Aller=
durchleuchtigsten, Großmechtigsten fürsten und herrn, herrn
Ferdinanden, Erwölten Römischen Kayser zu allen Zeitten
Mehrer des Reichs zu Hungern, Behaim, Dalmatien, Croatien,
Künigen, Infanten Inn Hispanien, Ertzhertzogen zu Oster=
reich, Marggrauen zu Merhern, Hertzogen zu Lützenburg
und Schlesien, Marggrauen zu Laußnitz, Unßern Aller=
gnedigsten herrn, Wir vor empfahung der Behaimischen
Lehen, so vnns Ir Kayserliche May(esta)t, alß Regierender Künig
In Behaim, unnd der Cron Behaim zu Lehen rüeren, unns zu
versteendt gnediglich sein briefft worden, daß Ir Kayserliche
May(esta)t des Vertrags so deßhalben zwischen Weilandt, dem Durch
leuchtigen fürsten herrn Görgen Künigen zu Behaim, unnd
dem hochgebornen fürsten Unßern lieben Vettern, herrn Ottonn
Pfaltzgrauen bey Rhein unnd Hertzogen Inn Baiern beeder
Seeliger gedechtnus, von etlicher Schloß, Stedt und Marckt
wegen, die Unßer Vorfarrnn löblicher gedechtnus von Vor=
farrnn den Künigenn zu Behaim, unnd Wir heütt dato von Jhr
Kayserlichen May(esta)t, als Regierenden Künig zu Behaim, und
der Cron zu Behaim zu Lehen empfangen, sambt dem nechsten
Brieff von Künig Jörg erwelth, unnd Hertzog Ottonn mitgethailt,

1637