CAROLVS DEI gratia Rom(anorum) REx semper Augustus et
Bohemiæ Rex Venerab(ili) Arnesto Archi-Episcopo Prag(ensi) et Consilia
rio nostro Dilecto, gratiam Regiam cum plenitudine omnis boni,
Nostræ Maiestatis Litteras tibi dirigendas duximus huiusmodi sub
tenore. CAROLVS DEI gratia Rom(anorum) REx semper Augustus et
Bohemiæ REx ad perpetuam rei memoriam, REx Magnificus,
qui fecit mirabilia magna solus, aperiens manum Magnificen
tiæ et implens omnia bonitate, ad hoc nos principaliter in Mo
narcha constituit dignitate, binisq(ue) Regni contulit Diadema,
ut si aliqua extrinseca debita sollicitudo nos provocat, ad ea ta
men, quæ incrementum cultus Divini respiciunt tanto spe
cialius et solertius convertamus aciem mentis Nostræ, quan
ti Patrona Justitia manus eius nostrum præ cæteris Principi
bus altius nomen erexit, et Solium sua clementia roboravit
auxilio et honore, splendoribus licet insufficientibus meritis
insignivit largitorem donorum huiusmodi, cum Tharsis et
Insulæ Regibus Inclytis, quos ille commemorat eximius Prophe
tarum, ut sibi nostra offerat devotio munera, prout nostra fra
gilitas patitur pretiosa; Præsertim in Regno nostro Bohem(iæ)
quod præ cæteris Augusta fortuna carius æstimamus pia mentis
studio quæritantes. Dudum siquidem Ssm(us) P(ate)r Domin(us) noster
Papa Clemens Sextus Venerab(ili) Arnesto Archi-Episcopo Pra
gensi Principi, et Consiliario nostro Charissimo ad nostri instan
tiam et requestam committere voluit, ut ipse in nostra Civitate
Pragensi Monasterium Conventuale et Claustrale Ordinis S(anc)ti:
Benedicti instituere et Authoritate Ap(ostol)ica possit ordinare.
Institutis ibidem Abbate et Fratribus, qui D(omi)no famulantes Di
vina Officia in lingua Sclavonica duntaxat, ob Reverentiam et
Memoriam gloriosissimi Confessoris Beati Jeronymi Strido
nensis, Doctoris egregij, Translatorisq(ue) Eximij Sacræ Scripturæ
de Hebraica in Latinam et Sclavonicam linguas, de qua siquidem