Ich Alhart Chroldes des Fuzners tocht(er) ab dem perge. v(n)d tu(e)n chunt
allen den. die disen prief sehent od(er) ho(e)rent lesen. daz mein pru(e)d(er) Albrecht dem
got genade. seinen halben weingarten. den er chaufte vmb a(c)ht march. von
mein(er) swest(er) Agnesen. fur rehtz aigen. d(er) an d(er) vlies geleygen ist an dem
gastaige. ob chrukchlach. vnd haizzet d(er) seh. erpawn vn(d) vnerpawen
besuo(e)chten vn(d) vnbesuo(e)chten. mit allen den rehten vn(d) dzu(e)geho(e)rt. geben.
geschaffen. vn(d) gela(y)chen hat. d(er) samptpru(e)d(er)schaft ze prixen vn(d) allen iren
nachchome(n). ze besizzen. ze haben vn(d) ze niezen an chlach an aller no(e)t
rede. ze lezezen an entsezen. ze wenden vn(d) ze cheren. vnd allez daz
drin ze tu(e)n vn(d) ze lazen. daz si mainent daz in. nu(e)ze vn(d) gu(e)t sei. als
mit and(er)m irem aigen erbe. darvmbe. daz si in. den egenante(n) Albrecht
iren mainen pru(e)der. sein(er) haussrawen. vnd meinen vat(er). vn(d) mein mu(e)ter
vn(d) mich. vn(d) meinen o(e)m. vn(d) mein swest(er) Agnesen. vn(d) ir(er) to(e)cht(er) chate(r)
vn(d) dar zu(e) mein(er) pru(e)d(er) a(y)men. vn(d) mein swest(er) elsen. an chindes stat. die alle
zu(e)r sampt zu(e) in in ir pru(e)d(er)schaft enphengen habent. vmb den selban vor
geschriben halben weingarten. d(er) seh genant. fur rehtz aigen. gelob ich
vorgenant(er) alhart des fuzn(er)s tocht(er). fur mich. vn(d) alle mein erben.
d(er) eygnante(n) pru(e)d(er)schaft vnd irer nachchome(n). reht(er) gew(er) ze seinne nach
landes reht. an aller stat. da in sein no(e)t geschiht vor ga(y)stleichem
vn(d) vor weltleichem gerihte. vn(d) der selbe(n) gew(er)schaft ob si d(er) dehainen
schaden na(e)me. a(n)ne d(er) genant(en) vn(d) den sulen si haben auf alle d(er). daz
ich. vn(d) mein erben. iezu(e) haben. od(er) noch gewinnen vn(d) daz genant ist
niht an ze neme(n). auch nach landes reht. vn(d) daz dem also sei. vnd
auch ewichleich stet vn(d) vnzerprochen belaibe. han ich obgenant(er) al
hart des fuzn(er)s tocht(er). gebeten den erbn man. Jacoben vo(n) gru(e)nvels.
daz er sein insigel hat gehenget. an disen vesten schaden. zu(e) ainem vr
chunt d(er) warhait. des sint gezeuge. Mathevs d(er) prugsm(er) niht.
chunt(er) d(er) palling(er). Hainreich der po(e)sthof. Albrecht vor dem to(e)r.
walther d(er) smid in d(er) unbade. niklaus d(er) w(er)n(er). pet(er) d(er) mo(e)skler
ditz auers. vn(d) and(er) erber lewte. ditz ist geschehen ze prix(en). do
man zalte nach christes geburt. dreuzehen hund(er)t jar. dar nach in
dem a(c)ht vn(d) vierzigiste(n) jare. an vns(er) frawen abent. als si geboren
wart. . . .