Kaiser Karls als künigs zu Behaim brieff der iegn
umb Johann den Landtgraven zu dem Leuchtenberg
verainigung ettlich Granicz an Behaimwaldt
bei dem Bairischen boten sammbt.
Wir vlrich vnnd Johann Landtgrauen zu dem Leuchtenberg Be
kennen an disem brieff allen den die in sehent oder
hoerent lesen, das wir die chrieg vnnd die stoze
von den chriegen die wir vnnd vnser lieben fruende
die an die chrieg vnnd die stoze gehoerent haben
herrn Karl Roemischem chaiser zu allen zeiten merer des Reichs
vnd künig zu Behaim vnserm lieben gnedigen herrn an ainem
tail, vnnd an dem andern tail vmb die Graniczen des Behe
mischen waldes verlan han in durch gebet des obgenannten
vnsers herrn des chaisers vnnd durch vnser selbs willen
entschaiden haben als hernach geschriben stet. Das
sy an heben ze mercken den chriegen mit dreien chreuczen
vnder dem Eysenberg vff Bairischen boten waldt vnd den selb
Rain ob ze gen vff Eysenberg waldt das da haist das Rucken
alls ferre vnser marck wendet vnnd nit fürbas vnd an der
andern seiten von den dreien chreuczen herwider auff
zwischen dem Behaimischen waldt vnd Bitten öden der waldt
mag an den chreuczen die auch gemerckt sind vnd fürbas
hinab als man gewislichen mag vntz an ein chreucz vnd
an ein fichten vor das haus die auch gemerckt sind vnd
von dannen hinab gen Tuncz wencz als ferre Bairischen
boten beginn hat vnnd herwider vff gen Tuncz wencz