Anna Dei gratia Regina Romanorum semper Augusta, & Boemiæ Regina, notum facimus tenore presentium omnibus, & singulis quód Diæcesiani
S. Joannis ad uiuarium fundati nostræ fundationis, nostrosq(ue) consiliarios adesse cum honesto Sacerdote Michaele fideli dilecto nostro, & cum
Domino Wlf altarista arcis Pragensis petentes nos ut illis Priuilegia & Jura tradere dignaremur, affirmantes priora consumpta esse igne. Quare
cum non possemus illorum honestæ petitioni refragari hoc approbamus, & ratum esse, neq(ue) secus fieri, uolumus ita. Quemadmodum illis Priuilegia
& Iura ab antecessoribus Reginis Boemiæ tradita erant, quo nostra tenuis fundatio, eaq(ue) quæ ad eam spectant cum omnib(us) Diæcesianis presentib(us) &
futuris pacifice uitam agerent, neq(ue) ulla uiolenta oppignoratione, nec quoquam contra æquitatem nostra fundatio S Joannis pertrahi queat sub
pæna nostræ inclementiæ, & iræ, & posterorum Boemicæ Regum, ita ut nostra tenuis fundatio in cultu diuino conseruari possit tam gratiam
dignamur illis, & huic fundationi largiri & donare præsentibus & futuris, ut secundum priora Jura gubernarentur, & regerentur,
quemadmodum ciuitates Pragenses regi consueuerunt. Hoc modo talem gratiam dignamur illis tribuere, & concedimus huic Diæcesi &
penes idem Jus nostræ fundationis S. Joannis ut sua bona ad ipsos pertinentia, mobilia immobilia cuicunq(ue) uellent donare, & legare sine
omni impedimento possent. Si uero quis habens suam uxorem fidelem cum liberis id neglexerit, neq(ue) testamentum condiderit, tunc mater eorum li=
berorum bonis cum liberis potiatur, eorumq(ue) curam agat ueluti mater. Si ueró pater & mater é uiuis excesserint, superstite sobole, tunc ista
bona cum liberis in proximos amicos, siue affines in ista fundatione & ea diæcesi habitantes pro educatione liberorum deriuentur. Sed si
liberi morerentur tunc ista bona manebunt penes cognatum, inhabitantem in ea diæcesi. Si uero omnes amici interierint, neq(ue) ullus su=
peresset ex ea cognatione, aut affinitate uinctus, ista omnia bona debent descendere ad nostram tenuem fundationem absq(ue) omni impedi=
mento, simul etiam liberos suos curæ & fidei comendent pro arbitrio in ea fundatione. Similiter recipiant inter se uicinos, & semet ipsos
manumittant nullo intercedente obstaculo. Præterea eidem diæcesi istius fundationis hoc concedere dignamur ratione aulicorum nostrorum,
& aliorum dominorum, ut omnia genera potus, uina domestica, & exotica seu peregrina, quæ nominari possint, sine omni impedimento
libere propinarent, sub pæna inclementiæ nostræ, idq(ue) in domo publica, uel in quo loco iudex, aut senatores cuipiam monstrauerint. Qui
non potestati suæ subiectus esset, Judici aut Magistratui nollet parere, & qui impudice uiueret in ceste committens delicta contra DEVM,
ut pote cædes, adulteria, ijsq(ue) similia in suo prædio, & edib(us) eiusmodi illico sine omni mora reijciatur, neq(ue) amplius tolerentur, quia istam
fundationem dignamur in pace & castitate conseruare sub conditione iræ & indignationis nostræ, & non recuperandæ à Regibus Boe=
miæ præsentibus, & futuris gratiæ. Si quis attentare uellet, & iniurius esset diæcesi & fundationi nostræ, ut non possent ipsimet re=
sistere dignamur committere curam istius rei nostro Subcamerario, & nostris Consiliarijs præsentibus & in posterum futuris nepatian=
tur in ulla re illos in commodum ferre. In testimonium sigillum nostrum hisce literis applicari curauimus Datæ Pragæ Die S. Gregorij
Anno Domini 1364 Imperij nostri Secundo,