Hertzog Ludwigen zum Brig
Erbhuldung etc.
Wir Ludwig von Gottes gnaden Hertzog in Schlesien, vnndt
herr zum Brige, Bekennen aus krafft dieses brieues vnndt thuen
kundt, vnndt thuen kundt allen den die disen brieff sehen
od(er) hoeren lesen, Dasz wir vormals vnser furstenthumb, hertzog
thumb, herschaffte, lande, vnndt Burger, mit allen jren furstlich
rechten, vnndt zugehorungen, wo die gelegen sindt, vnndt wie man die
mit sunderlich worten vnndt namen benennen mag, von dem aller
durchlauchtigsten fursten, vnndt herrn herren Wenczlausz, Romischen
Künig, zu allen zeiten, Mehrer des Reichs, vnndt Künige zu Behem,
als von eim Künig zu Beheimb, vnserm lieben gnedigen Erb herrn,
Recht vnndt redlich, zu Erblichen lehen, empfangen haben, vnndt
jhm auch als eim Künig zu Beheimb, gehuldt gelobt, vnndt ge=
schworen haben, trew hafftig vnndt zu den Eidtlichen, vnser frommen
zu wahren, seinen schaden zu wenden, vnndt alles dasz gegen jhm zuthun,
ohn alles geuerde, darumb aber weil, mit wolbedachtem, beratem
muete, vnndt von rechtem wissen, Geloben wir obn in krafft,
solchen Egenandten eydt, dem selben vnserm herrn Herr Wenczlausz,
Romischen Künig, zu Beheimb, dasz wir jhm als Künigen zu Beheimb,
vnserm Rechten Naturlichen, Ordenlichen Erblich, Obristen lehen herrn,
dem Künigreich vnndt der Cron zu Beheimb, holdt, getrew, gehorsamb,
vnndt vnderthänig sein sollen vnndt wollen, Jnen fordern warnen,
Jnen frommen werben, vnndt alles dz gegen jhm zu thuen, das wir
als des Künigs, Künigreichs vnndt Cron zu Beheimb fursten
vnndt furstliche Manne, durch Recht od(er) gewonheit, gegen vnserm
rechten ordenlichen vnndt Naturlichen lehen herschafften, vnndt
lehen herrn zuthun schuldig od(er) pflichtig sein, nach vnserm furstlich
Rechten, on alles geuerde vnndt argelist, Mit vrkundt ditz
brieffs, den wir besigelt haben, mit vnserm anhangenden Jnsigel,
Gegeben zu Prag, am Christentage, nach Gotes geburth, Dreizehen
hundert Jahr, im dreissigst vnndt achtzigsten Jahr.