Wir Karl von gots gnaden Romischer Keiser
zu allen czeiten merer des Reichs und
Kunig zu Beheim Bekennen und tun
kunt offenlich mit diesem brieve, allen
den die yn sehen oder horen lesen,
Wan wir als ein Kunig zu Beheim
der durchluchtige Wenczlaw Kunig
zu Beheim Marggraff zu Brandem,
burg und zu Lusicz, unser lieber
Sun und der Hochgeborne Johans
Marggraff zu Merhern unser lieber
Bruder, des Kunigreichs, und der Cro,
nen zu Beheim furste an eime teile,
Und die hochgebornen Albrecht und
Lupolt gebruedere Herczogen zu
Osterreich, zu Steyer, zu Kernden, und
zu Krayn, Herren uff der windischen
Marich zu Portenaw, Graven, zu
Habspurg, zu Tyrol, zu Pfirt, und
zu Kyburg, Marggraven zu Burgaw,
und Lantgrafen in obirn Elsazzen
an dem andern teil, nach ordenunge
des almechtigen gotis bedensiten under,
einander von wegen der natur und
der geburt des geslechtes zu einan,
der sipplich gehoren In solicher mazze
daz welicher teil under uns gar abe,
ginge und sturbe ane eliche leibes erben,
daz derselbe teil den andern aller