Wir hennyng vnd frederich von stegelitz Arnold von vestenhagin wolther hennyng vnd harlung
von Gunthersberg bekennen offinlich vor vns vnd vnser erbin das wir mit dem hochgebor
nen fursten h(er)n Otten marggrauen zu brandenburg vnserm liebn gnedign h(er)ren getedinget habin
vnd obir eyn komen sin das er vns sol vnd wil vnse rechten vordrungen teigen hansen von
wedel vnd teigen sinen helfern vnd werz das vns hannus von wedel swerin welde vmbe
sache des wir briue vnd gute lute hettin das vnsm ege(nante)n h(er)ren vnd sinen rat vnr(e)chtlich duchte
der eyde sullen wir nicht nemen so sol vns vnse ege(nante)r h(er)re gliches vnd rechtes vmbe helfin
werz ouch das vns hannus von wedel swerin welde vmbe sache das vnsm ege(nante)n h(er)ren rat
rechtlich duchte dy eyde sullen wir nemen werz ouch das vns hannus von wedel gliches
vnd rechtes icht gunge so sullen wir vns sines gutes zumale vnderwinden das er vns vnsm h(er)ren
hat ane d(er) vestin srinberg vnd banolt als lange bes vns glich vnd recht von em wirdir
werin darvmbe habe w(ir) dem ege(nante)n vnsm h(er)ren gelobet das wir vns nicht suln noch welln mit dem ege(nante)n
hansen vnd mit sinen sonen vnd mit alln irn helfern sunen noch entrichten em sy den
ne von dem ege(nante)n hansen vnd sinen sonen glich vnd recht widirvaren mit orkunde dis
briues vorsigelt mit vns vorge(nante)n hennynges von stegelitz vnd hennynges von Gunthersberg
Ingesigel Gegebn zu spandow nach gotes geburte tusent drihund(er)t Iar darnach in dem
sibinvndseczigisten Iare an d(er) nehsten mitelwochen nach dem suntage als man singet cantate