Wir karl von gots genaden Romischer keyser zu allin czeitin merer des Reichs vnd kunig
zu Behem Entbieten den - Burgermeister - den Rete vnd den Burgern gemeynlich der Stat
zu Gemunde vnsern vnd des Reichs liebn getrewen vnser genad vnd alles gut. Liebn
getrewen vmb suliche stewer vnd dinst die ir vns vnd dem Reiche ierlich schuldig seit
oder noch furbas schuldig werdet sagen wir ew vnd gebieten ewn trewen vesti
clich vnd ernstlich das ir die vnuerzoglich gebt vnd beczalt dem hochgeborn wen
czlaw herczogen zu luczemburg zu prabant vnd zu lymburg des heiligen Reichs
Erfmar des kumpischen gebirges zu lothringen vnd marggrauen des heiligen Reichs
bruder vnd fursten oder wem er die von seiner stat mit seinen brieuen beuilhet
vnd nymand anders die weil er vicari ist vns vnd des heiligen Reichs als lieb
euch sei vnser vnd des Reichs huld zubehalden vnd wann ir das getan habt so sa
gen wir euch drumb von vnsern vnd des Reichs wegen ledig vnd losz mit vr
kund dicz brieues versigelt mit vnser maiestat Ingesigel der gebn ist zu fran
kenfurt vff dem meyne nach cristes geburte dreuczenhundert Iar dornach in
dem acht vnd sechczigstem Iare am nehsten donrstage nach vnser frawen tage
liechtmesse vnser Reiche in dem zwei vnd cwenczigstem vnd des keisertumes in
dem dreiczehendem Iare