Georgius dei gracia Bohemie Rex Morauie Marchio Lucemburgen(sis) et Slesie Dux ac Lusacie Marchio Notumfacimus vniuersis Q(uo)d consti
tutus in n(ost)re Serenitatis p(re)sencia Procopius Prothonotarius Noue Ciuitatis Pragen(sis) fidelis n(oste)r dilectus nobis humiliter supplicauit q(ua)t(en)us omnes et singulas
litteras quas super bonis per eum iusto titulo quesitis obtinere dinoscitur prout inferius exprimitur approbare ratificare et regia clemencia confirmare dignaremur
Nos ipsius fidelia considerantes seruicia que predecessoribus n(ost)ris exhibuit Consulatus eciam Ciuitatis prefate commissa officia irreprehensibiliter in dies exequitur
Volentes eum ad n(ost)ra famulamina ut debet reddere proniorem Non per errorem aut improuide sed deliberate co(m)municato procerum et fidelium n(ost)rorum consilio de certa
n(ost)ra sciencia auctoritate Regia litteras obligacionis Illustris Agnetis Ducis Opauien(sis) factas super domo ipsius sita in acie platee ex aduerso monasterij Sclauorum
in certa summa pecunie cum omnibus priuilegijs et libertatibus ab oneribus Ciuitatis prout super libertates huiusmodi patulas idem Procopius litteras Ciuitatis no
scitur habere Similiter omnes inscriptiones et autentica in registro ciuitatis prefate in fauorem predicti Procopij contentas et contenta vna cum co(m)missione ex te
stamentis vltimis sibi per quoscunq(ue) uel quoscunq(ue) coniunctim uel diuisim facta Ad hec autem locacionem et in ius emphiteoticum exposicionem piscinarum pra
torum humuletorum vinearum agrorum censuum factam eidem per Decanum et Cap(itu)l(u)m Venerabilis eccl(es)ie Wyssegraden(sis) deuotorum n(ost)rorum dilectorum que ipse
sumptibus suis pro maiori parte excoluit laborauit et auxit Item omnes litteras super censibus agris pratis humuletis rubetis riuis piscaturis piscinabilibus vi
neis et quibuslibet alijs bonis que titulo empcionis aut donacionis uel in emphiteosim exposicionis a quibuscunq(ue) personis possidet Postremo iuspatronatus eccl(es)ie
sancti Anthonij in Noua Ciuitate Pragen(si) sub Monasterio sancti Iheronimi Sclauorum sibi iure donacionis quesitum et in actis ecclesiasticis firmatum approba
mus ratificamus et graciose confirmamus sibi et suis heredibus habenda tenenda et possidenda sub eis modis clausulis et condicionibus prout in litteris priuile
gijs registris obligacionibus et actis prefatis sunt expressa Decernentes et volentes ea omnia firmitatis robur inuiolabile obtinere Presencium sub appensione
n(ost)ri Regalis sigilli testimonio litterarum Datum Prage die Vltima Julij Anno domini Millesimo quadringentesimo sexagesimo Regni n(ost)ri anno Tercio
Ad Mandatum domini Regis
Hilarius decanus O(mni)m S(an)c(t)or(um) Pragen(sis)