Nos Tomassius, Iesco fratres germani et Sdenco filius ipsius Tomassii, clientes de Bozegemilicz, Notum fore volumus
universis tam presentibus quam futuris has presentes, Quod nos deliberato diligenti ac maturo consilio, inter Nos prehabito
unanimi omnium nostrum voluntate et assensu Censum Septuagintaocto grossorum pragensium monete, quem in agris seu heredi
tate et area, quas possidet et excolit Waczlata, laicus et ipsius successores possidebunt in villa Lhotka, emancipata ad
Nos jure veri dominii ac hereditarie pertinentes, Discreto viro Ottoconi thelonario dicto de Opido Wylamow ac successo
ribus ipsius, pro decem et Octo Sexagenis grossorum denariorum pragensium hereditarie ac jure perpetuo, iusto ac vero titulo empcionis
vendidimus, cum omnibus fructibus, utilitatibus, obvencionibus et pertinenciis universis, per ipsum Ottonem et successores ipsius
tenendum, possidendum et usufruendum libere, pacifice et quiete, ac de eisdem Censu, agris seu hereditate et area tanquam
de re propria ac vero peculio disponendum taliter, prout empcio talis et vendicio more Regni Boemie et consuetudine fieri consuevit.
Quasquidem pecunias promptas et numeratas in grossis prelibatis ab ipso Ottocone fatemur Nos recepisse integraliter et com
plete, Sibique et successoribus suis eundem Censum omne ac hereditatem perpetuo condescendimus per presentes et assignamus, omne
Jus dominii in ipsum transferentes, promittentes una bona fide omnes in solidum, manu coniuncta, una cum Geyzssone dicto Jesset
de Cunemila eidem Ottoni ac successoribus ipsius, predictum Censum, sive hereditatem supradictam ab omni impeticione et impe
dimento qualibet disbrigare et liberare, nostris sumptibus, dampnis et expensis. In cuius rei testimonium Sigilla nostra una
cum sigillo Geyzssonis dicti Jesset de Cunemilla presentibus sunt appensa. Datum in Bozkemilicz Anno domini Millesimo
Trecentesimo Sexagesimo Quarto, in Crastino sancti Viti.