Georgius dei gr(aci)a Bohemie Rex Morauie Marchio Lucemburgen(sis) et Slesie Dux ac Lusatie Marchio Ad perpetuam rei memoriam Imitanda diuoru(m)
regum ducumq(ue) Bohemie predecessorum n(ost)rorum sequentes vestigia sacratissimas edes in honorem inmortalis dei sancteq(ue) professionis Monastice disciplinam constructas
et dotatas regio fauore prosequimur ut nihil n(ost)ri eis parte desit qui singulorum Jura regia clementia tuemur amplectimur et confirmamus Sane pro parte Honorabilis et Re
ligiosorum Abbatis Prioris et Conuentus Monasterij Brewnowien(sis) Ordinis sancti Benedicti prope pragam deuotorum n(ost)rorum dilectorum nostre fuit humiliter
supplicatum Maiestati q(uaten)us eis omnes gratias litteras libertates donationes indulta priuilegia et Jura vniuersa ipsis et eorum Monasterio per clare memorie Duces
et Reges Bohemie predecessores n(ost)ros carissimos datas donatas concessas et confirmatas data donata concessa et confirmata auctoritate Regia approbare acceptare in
nouare ratificare et confirmare dignaremur Nos ad summi dei reuerentiam et beatissimi p(at)ris et patroni n(ost)ri sancti Adalberti olim pragen(sis) Ep(iscop)i cuius opera et dilige(n)
tia Monasterium prefatum fundatum dotatum et multipliciter priuilegiatum extitit preces dictorum Abbatis prioris et tocius Conuentus Monasterij prefati libenter
exaudiuimus Igitur non per errorem aut improuide sed animo deliberato sano procerum et fidelium n(ost)rorum co(m)municato consilio de certa n(ost)ra scientia auctoritate Regia om
nes et singulas litteras gratias libertates donationes bona possessiones villas census fructus et vsus cum omnibus Juribus et pertinentijs quocu(m)q(ue) bonorum nomine cen
seantur Indulta priuilegia et Jura vniuersa a diuis predecessoribus n(ost)ris Ducibus et Regibus bohemie eidem Monasterio donatas datas concessas et confirmatas data
donata concessa et confirmata in omnibus eorum punctis articulis clausulis et sentencijs ac si de verbo ad uerbum omnes et singule littere et gratie vniuersaq(ue) priui
legia predecessorum n(ost)rorum in hanc confirmationis et approbationis n(ost)re paginam insererentur de consueta benignitate Regia acceptamus in nouamus ratificam(us)
approbamus et confirmamus Decernentes omnia et singula in litteris et priuilegijs prefatis contenta roboris firmitatem obtinere perpetuam Supplentes eciam
de plenitudine Regie potestatis omnem defectum qui his n(ost)ris litteris quolibet accidere possit Nulli ergo hominum liceat hanc paginam n(ost)rarum Innouationis ac
ceptationis ratificationis confirmationis supplementi et inhibitionis infringere uel ei ausu temerario contraire Si quis vero temerarius prefatorum violator extiterit
ad penas in predecessorum n(ost)rorum litteris edictas et inflictas quas incurrere et suo passu incedere definimus Indignationem n(ost)ram grauissimam se nouerit incursuru(m)
In quorum fidem has litteras fieri et n(ost)ri Regalis sigilli iussimus appensione muniri Datum prage die Vigesima octaua Maij Anno domi(ni) Millesimo quadringen
tesimo sexagesimo Regni n(ost)ri Anno Tercio
Ad mandatum d(omi)ni Regis
Procopius de Rabenstein Canc(ellarius)