In nomine domini Amen Nos Magister Ambrosius de plzna prepositus ecclesie decanus in spiritualibus Archiepiscopatus eiusdem sede vacante per venerabilem capitulum auctoritate apostolica deputatus ad uniuersorum
omnium et singulorum cuiuscumque status gradus aut preeminencie existant innotescimus per presentes quod millesimo quingentesimo octauo salutis anno die Iouis vicesimo octauo Septembris indicione prima hora vespe
rarum uel quasi pontificatus sanctissimi in Christo patris et domini nostri domini Iulij diuina prouidencia pape secundi anno eius quinto constitutus personaliter coram nobis Venerabilis pater Wenceslaus ordinis diui confessori sancti ffrancisci Custos
pragensis necnon conuentus benessouien(sis) habens in manibus suis bullam apostolicam plumbeam in filis sericeis rubei et crocei coloris more Romane curie pendentem sanam integram non viciatam nec in aliqua parte
sui suspectam sed omni prorsus vicio et suspicione carentem ut prima facie apparebat et in eadem exhibuit et produxit cuiusquidem bulle apostolice tenor de verbo ad verbum sequitur et est talis Iulius episcopus seruus seruorum
dei ad perpetuam rei memoriam Romanum pontificem prouidencia nonnunquam auctoritate apostolica concessa ut firmius subsistere valeant apostolico corroborat munimine ac ea que pro maiori presertim religiosorum et
diuinis officijs deditorum comodum et vtilitate ac animarum salutem graciose libenter de nouo concedit prout conspicit in domino salubriter expediri Sane pro parte dilectorum filiorum vniuersorum fratrum ordinis
minorum regni Bohemie nobis nuper exhibita peticio continebat quod olim per nonnullos Romanos pontifices predecessores nostros eis nonnulla priuilegia immunitates et indulta tam super postulacione elemosinarum
pro eorum victu et necessarijs habendis et nonnullis alijs rebus concesserunt vnde felicis recordacionis episcopo Olomucensi quod ad premissa obseruari faceret iudex a sede apostolica deputatus fuerat volens mandatum
apostolicum in hac parte commissum parere premissa omnia et singula per eorum suam prouinciam obseruari iussit et mandauit ac vniuersis decanis dicte sue diocesis per suas patentes litteras premissa per eos inuiolabiliter
obseruari Et ne quis super exaccione elemosinarum postulandarum aut confessionibus et penitencijs audiendis necnon in sepeliendis corporibus eorum qui apud ipsorum fratrum sepulturas eligerent eosdem fratres quomodolibet
quouis premissa faceret impediret uel impedire faceret eisdem decanis et quibusuis alijs districte inhibuit ac dilectis filijs vniuersis curatis dicte diocesis pro ipsis deuocioni duos eukaristie sa
cramentum et oleum infirmorum a dictis fratribus die paschatis in eorum manibus qui pro tempore fuerint excepto in quo missam de corpore christi cantare licitum nempe et dictis fratribus eciam eucharistiam et
huiusmodi mulieres eorum pueros offerentes ab oppressione et exactione exigerent de eorum confessionibus absoluere et pro commissis eis penitenciam salutarem iniungere possint licenciam et facultatem concessit ac
nonnulla alia voluit et mandauit prout in ipsius episcopi litteris desuper confectis dicitur contineri sicut eadem peticio subiungebat dicti fratres accipiunt premissa omnia pro illorum maiori subsistencia eius auctoritate nostra
confirmari et approbari Quare pro parte dictorum fratrum nobis fuit humiliter supplicatum ut priuilegijs immunitatibus concessionibus indultis et gracijs tam a romanis pontificibus predecessoribus nostris quam a prefa
to episcopo olomucensi eis quomodolibet concessis apostolice approbacionis et confirmacionis robur adijcere aliasque in premissis optime prouidere de benignitate apostolica dignaremur Nos igitur fratres et eorum singulos
a quibusuis excommunicacionis suspensionis et interdicti alijsque ecclesiasticis sentencijs censuris et penis a iure uel ab homine quauis occasione uel causa latis si quibus quomodolibet innodati existant ad effectum presencium
duntaxat consequendum harum serie absoluentes et absolutos fore censentes omnia et singula priuilegia immunitates indulta concessiones et gracias tam ab eisdem romanis pontificibus predecessoribus nostris
quam episcopo olomucensi quibusuis fratribus quomodolibet concessas et concessa auctoritate nostra prefata presencium tenore que sunt in vsu approbamus confirmamus et inouamus ac perpetue approbacionis et inouacio
nis robur obtinere decernimus ac ea omnia prefata auctoritate de nouo concedimus supplentes omnes et singulos defectus si qui in eiusdem episcopi litteris forsan interuenissent non obstantibus constitucionibus et ordinacionibus
apostolicis ceterisque contrarijs quibuscunque Nulli ergo omnino hominum liceat hanc paginam nostre absolucionis concessionis approbacionis confirmacionis indulti decreti mandati et voluntatis infringere uel ei
ausu temerario contraire Si quis autem hoc attemptare presumpserit indignacionem omnipotentis dei et beatorum petri et pauli apostolorum eius se nouerit incursurum Datum Rome apud sanctum petrum
Anno incarnacionis dominice Millesimo quingentesimo septimo Sexto decimo kalendas Iulij pontificatus nostri anno tercio
V de ~psano~ S ~thargamilius~ L ~draco~
Post cuiusquidem Bulle apostolice exhibicionem ac dicti inspectam et lectam fuit a nobis instanter et instantissime petitum quod litteras vndique intueamur seu transumptum eiusdem per publicum et notarium publicum fieri velimus
ne littere originales propter viarum distancias et discrimina graues subiacent periculis nos attendentes supplicacionem huiusmodi iustam et racioni consonam et iusta vota quibusque exaudire volentes de voluntate et consensu
dictorum fratrum per ipsum notarium publicum infrascriptum ad plenariam ipsarum originalium ut premittitur ex notario publico infrascripto de ea legali tempore quo in eis sunt et est sacra imperialis auctoritate
publicum notarium ad hoc ipsum factum ad fidele transumptum quem eciam de verbo ad verbum fieri et extrahi ac publicari mandauimus atque per vniuersos fide et testimonio sigillo officij administracionis
nostre precepimus communiri Acta sunt hec in castro pragensi anno die et indicione hora pontificatu quo supra presentibus ibidem testibus ad hoc specialiter
vocatis et rogatis videlicet dominis Iohanne milite Nicolao thessaurario de budweiz ecclesie pragensis Canonico Archidiacono Klyngenbergensi domino Christoforo de Klag canonico dicte ecclesie
pragensis et domino Leonardo de wurtzburg plebano ibidem