Rudolphus dei gratia Episcopus Wratislauien(sis) Sacrosancte Sedis Ap(osto)lice ad Bohemie et
Polonie Regna ac Almanie partes cum potestate Legati de latere Legatus missus Ad vniuersorum tam presencium q(uam) futurorum noticiam deduci volum(us)
per hec scripta oblata nobis pro parte Illustris principis domi(ni) Henrici Senioris ducis Monsterbergen(sis) et Comitis Glacen(sis) Amici et compatris
n(ost)ri carissimi necnon dilectorum nobis in xp(ist)o Vicarij et fratrum Ordinis Minorum sancti francisci de obseruancia Prouincie Bohemie Morauie et Sle
sie peticio continebat quomo(do) ip(s)e d(omi)n(u)s dux Henricus necnon Inclita domi(n)a Vrsula ipsius conthoralis co(m)mater n(ost)ra carissima zelo deuocionis accensi ob
honorem Omnipotentis dei eiusq(ue) gloriosissime genitricis virginis Marie et sancti francisci singularem(que) deuocionem quam ad fratres Minores de obser
uancia habere dinoscuntur animaru(m)q(ue) ip(s)oru(m) saluti eorundem eidem Ordini et fratribus quend(am) fundum in Suburbio opidi Glacen(sis) Pragen(sis) diocesis circa
Capellam In honore sancti Georgij martiris consecratam situm contulissent et assignassent nonnullosq(ue) eiusdem Ordinis et religionis fratres inibi collocassent
Nobis igitur pro parte dictorum tam ducis q(uam) Ordinis et fratrum fuit humiliter supplicatu(m) quat(inus) donacionem et assignacionem fundi cum Capella s(an)c(t)i
Georgij iamdicti predictis Ordini et fratribus factas auct(oritat)e legacionis n(ost)re confirmare et ratificare ip(s)osq(ue) perpetuo possidend(os) incorporare et inuiscerare
dignaremur Nos vero Rudolphus ep(iscopu)s et Legatus prefatus qui in hiis temporibus cultum diuinu(m) adaugeri cupimus religiososq(ue) in sanctimonia
et obseruancia regulari viuentes affectione singulari diligimus supplicationibus huiusmodi fauorabiliter inclinati acceden(te) consensu Venerabilis et deuo
torum fratru(m) domini Commendatoris et Conuentus domus Cruciferoru(m) Ordinis sancti Iohannis Ierosolimitan(i) eccl(esi)am parochialem ibid(em) in Glacz regenciu(m)
expresso eund(em) fundum atq(ue) Capellam prefatis dictis Ordini et fratribus incorporamus et inuisceramus perpetuo possidend(os) volen(tes) et hoc auct(oritat)e legacionis
n(ost)re decernen(tes) eundem fundum cum Capella omnib(us) et singulis Immunitatibus libertatibus et concessionibus Ordini et fratribus predictis concessis
nunc et euis temporibus gaudere debere In cuius testimonium Sigillum n(ost)r(u)m maius p(rese)ntibus est subappensum Dat(um) et act(um) Wratislauie die vice
simaoctaua mensis Augusti Anno domini millesimoquadringentesimo septuagesimo quinto