ist beschriben : Und darumb hat der genante Spitaler
Meister dem selben Kower und seinen Erben dreissig Pfundt
Haller gegeben , der sie ganczlich gewert und beczalt sindt .
Dar umbe , das sie deste fleissiger darane sindt , Und
das selbige deste nuczlicher damit versorgen gesche : Und ge=
schehe leicht hernach , das got nicht wolle , das der Kower
bey seiner czeit oder seine Erben bey iren czeiten das nicht
hielten , Und Ungehorsam darane wurden gefunden achttag
acz ein Uirtel Jare nach ein ander czurucken : so sol sich der
Spital Meister , der czu der czeit ist , der leutt , Und des
gutts Und des Hauses underwinden , Und es hanthaben des Spitals
wegen , das der Kower , noch seine Erben darane nimmer
keinen anspruch noch forderung sollen noch mugen haben .
So sollen auch der Kower , noch die sein folgends nachkumling
Uon dem gutten , darauf das Hauß ist gelegen , nimmer
nichts Uerkauffen , noch Uersaczen , noch in deheinerley weis
Uerkummern , oder gewerden . Und darumb das dis
alles stet bleibe czwischen inen bederseitt , on alle geverde
geben wir in disen offnen Brieff czu Urkundt bestetiget
mit der Stadt Insigl , wann sie des bederseitt begert Und
Batten . Und darczu hat der offtgenante Kower Unsser
Burger des auch czu Urkundt Und czu stettigkait sein
Insigl an disen Brieff gelent . Der Brieff ist geben
das man czelte Uon gots geburtt dreiczehenhundert Jare
darnach in dem Ainundviertzigisten Jare an sandt Matheus
tag des heyligen Czwelffbotten .