Nach Cristi gepurt Tausent Dreyhundert Drey vnd vierczig Iar des freytags czu Pfingsten in der Lottemmer den oberstigen des gerichts auff dem hauß czu Prag herren Karll Marggrafen czu Merhern dem erstgeporn des küniges czu pehm czu der czeit
oberstem vorweser des selben reiches vnd herren petr von Rosenberg obristen chamerer Andresen von der Duben Richter heinczichen probst czu prage lantschreiber vnd andern amptlewten der pragischen czu den auch lantherrn perchtolden von der lippen probst
czu wischehrad vnd kanczler des künigreiches czu pehm smilen von der Duben purggrafen czu prag wilhelmen von lantsiem chefflaben von sternberk smilen dem has wilhelmen von waldecz wilhelmen von skal smilen von lubissicz albrechten
von kolr Iensichen von swomperk des küniges hoffrichter vnd andrn lantherrn ward von ettleichen purgrn czu prag ein klag das di lewt der chreüczer des spitals an dem fusse der pruk czu prag vor sy geladen scholten antwurten in dem lantgerichte das diselb(e)n
chreüczer entwertten das sy anders nicht antwurten scholten neür darnach als in iren hantfesten vnd in der lantTavel volschriben ist alsbald darnach von der selben czeit dy vorgenanten herren herr karl amptlewt vnd di lantherren vberhorten vnd fleissichleichen vber
sahen diselben hantfest mit der lanttavel vnd funden stetleich czu einem rechten furpas ewicleich also das ir lewt als in iren hantfesten vnd in der lanttavel geschriben stet antwurten sollen vnd furpas czu keyner czeit an der sache vnd an allen andern sachen von keynerley
menschen an ir denselben chreüczern vnd iren lewten nicht müteprecht widerwertiges gesucht gefertigt werden vnd ab sy icht wurden an sy suchende wenne das vor dem gerichte oder ausserhalb des gerichtes das sol czuhant vorworfen werden vnd nür inicht ymmer sein geachtet
Durch ir ailer genedigisten vnd besunderleichsten hantfesten dy von güt vnd auch von günste der sielen vnd der kranken desselben spitals von menigem fürsten des reichs czu pehm vor andrn in besunderleich sint vorlihen

In dem Name der heiligen vnd der vngeteilten driveltikait amen Wir wenczlab von gotes genaden der vierde künigk czu pehm allen die mit cristenleichem glawben gecziert sint sei kunt ewicleichen Wann die tate tottlicher lewte dy vnter der czeit achpleich begangen w(er)den
durch langwerenden vmlauff der czeit laider von der gedechtnisse pflegen czu sleyffen so füeget sich daz vnd düncket vns aller ding durft sein das di selben tate icht geteilt werden yrer nüczperkeyt das sy mit prife vnd mit geczeugen furderunge gevestent werden
Darvmb schol wissen daz gegenwürtig alter d(er) lewt vnd dy künftig in got nachkumenfchaft daz wir czu sel gerete vns(er) vor vordern vnd vns(er) nachkumsten vnd durch vns(er) aigen hail doch sunderleich durch gnad vnd durch andechtige gepete vnser liben swester d(er)
Agnesen daz wellen aus künikleicher aussflüssikeyt daz daz spital sand francisc(us) daz si auf der prucke füß czu prage czu nütze der sichen d(er) elenden vnd d(er) crancken dar komenden gepawet hatt mit den prüdern des selben spitals des ordens der chreüczer mit
mit dem stern gegenwürtigen vnd künftigen diser nachgeschribener der hantfest freyunge sich frewen steticleich vnd daz dy selben prüder ewicleich von vns vnd von vns(er)n nachkümsten di vollikeyt der selben gabe besiczen vnd vleichen von vns(er) künikleichen miltekeit
vnlaideichen gepietende vesticleich vnd herticleich vnter behabunge vnser huld daz iemant vns(er) amptlewte chamerere dinstlewte lantherren edlinge richtere lantschreiber oder amptlewte od(er) welch(er)ley sy sein vns(er)s gewaltes volfürer in des genanten spitals höfen dörfern
güeten vorwerken vnd in allem anderm irem güte daz si haben oder haben werden kein teyding keines geuchtes vmb deüerley sache wie grosse missetat sie sey es sey mort deübe raub frawen notczogen anczünden rawp oder welcherlei anderlai schult es sey daz sie in
des ichtes icht czu richten wider ditz künicleich gepot ad(er) sich des icht annemen wann wir wöllen daz die genanten prüder auf allem irem güte vnd auf yrer besiczunge aller sache gewalt haben mit yreier hant czurichten vnd vleichen in auch aus d(er) vollikeyt vns(er) gnaden
ab immer icht mordes ad(er) anders vnsprecheleiches lasters auff irem erb erfünd daz daz czum ersten vor iren amptlewten vnd von iren richtern von den klagern alsus gevodert werde ein weile ob di selben amptlewt vnd richtere czu entelichen vnd czu abfuerden
di selben sache isewmb ad(er) vngeniüget weren so schol einer sülchen geschicht aussrichtunge dem obersten meyster vnd den prüdern des genanten spitals von den klagern vürbracht w(er)den daz daz mit eimen rechten end doch noch einem recht vns(er) stete vnd nach
keynem anderm recht geendet w(er)de ob denn der meister vnd die prüder des genanten spitals daz czu volenden auch czu isfumen ad(er) trege w(er)den got nicht engeb arglistig weren vnd das daz mit eimen vrkunde daz gelaüpleich w(er)e beweret würde eynes
sülchen kriges aussrichtunge vnd d(er) gesprochenen sache volentunge schol alsus czu d(er) v(er)suchung d(er) künicleichen gegenwertikeit gehören also doch waz vor vns ad(er) vor vns(er)em richter d(er) sündleich darvmb gesatczet würde pesserung ad(er) püse davon gefiele daz daz
alles czu nütze den armen vnd den crancken des genanten spitals v(er)tan werde Daz ir daz auch merket ab durch den gesprochenen geprechen die armen vnd die lewt der genantenn stiftunge vor vns ad(er) vor vnsern richtern in d(er) selben weiß geschehe ad(er) geschehe
czu antwurten vmb welcherlei sache daz sey daz daz an keyn and(er) stat denne auf vns(er)r pürge czu prag si erlewpleich sey geladen w(er)den von vns(er)m keyne edelinge ad(er) clagere Auch den selben prüdern vnd iren lewten vleih wir daz inlaideichen auß vb(er)flüß
sikeit vns(er) künikleichen günste ab sy teiding keines geuchtes wertleiches ad(er) gaistleiches wid(er) die weiß d(er) gesprochen erfordrunge gefürt ad(er) beczwungen würden ab halt entswischen die aller grössist schult were si sint von dem selben teyding aller dinge
aus genomen vnd daz wid(er)wertige icht darinne wir mit disem gegenwürtigen prif an d(er) kost dy dise darauf v(er)tan haben Daz auch all dy dar ein gemaynet sein die czu prag ad(er) in and(er)n vns(er)n steten die prüder ad(er) dy lewte des genanten spitals vmb keynlei sache
bekümern ad(er) besweren vnlaideichen Darczu vleih(e)n wir genedicleichen von vns(er) miltekeit den genanten prüdern daz sy vb(er) alles erb ires spitals an welchen steten si daz gevügleich düncket czu einer grössern labunge vnd czu einem grössern nütze der sichen daz
kein geschicht da wid(er) sey daz sy chreczem haben ewicleichen frideleichen ledicleichen vnd mit ire g(e)n(a)d auch ob leicht durch notdurft des landes dy genanten prüder vnd ir nachkümsten von den lewten ires spitals eynen aussaczung die man stewr haist ad(er) küniges
peen entwenne geben müsten den enphelhe wir iren trewen vber al auf allen iren aigen auf czuheben wenn sy denn ertragen genaüich so schüllen sy halp in vnser kamer vnd daz and(er) halp teil den sichen des genanten spitals czu nütze getreiwleichen antwurten
daz in ny(m)mat vns(er) amptlewte noch vns(er) perner dar an wid(er) sten schülle wir wöllen auch den genanten meyster mit seinen nachkümsten vnsers spitals d(er) gabe gebrawchen daz er mit sechs rossen in wendig des landes vnd mit acht rossen ausserhalp
der eüde des landes d(er) kost vns(er)s gesindes sey czuschüben vnd weren daz herticleiche daz ymant vns(er) suppan an keynem vns(er)m ad(er) irem geschefte auf dem güte des genantes spitals sich nid(er) lasse czu vb(er)nechtigen czu irem vngemache vnd czu irer be
swerunge wir vleih(e)n auch von vns(er) freyen wilkür daz di genanten prüder vnd all ir nachkümsten auff aller yrer besiczung yreien gewalt haben ewicleich wilt czu eriagen Darnach alles vns(er) güt daz wir vnseren lantherren in keynem recht vlihen
haben daz die genanten prüder des ordens d(er) chreüczer mit dem stern in gabe na(m)men ad(er) in kawfes namen gewunnen an steten an dörfern an höfen an kirchen an welden an vischereye an wisen an velden ad(er) an keynem andern nütze welcherley
d(er) gehabet w(er)de daz selb güte alles gebe wir den selben prüdern gegenwürtigen vnd künftigen mit allem gewinne vnd mit allem nütze d(er) da von kumen mag czu genissunge vnd czu labunge d(er) crancken ewicleiche czu erberecht czu besiczen vnd sy selb
vleihung d(er) selben gabe wölle wir außgepreitet werden an vns(er) nachkümsten an disem prife daz daz auch darein genummen sey daz daz genant vns(er) spital mit allem seinem güte vnd lewten aller vnd aller grössister vreyunge genade geprawchin
schülle Daz von vns ad(er) von vnsern nachkümsten in vnserem landen ye ymande bekant ist geschehen sein vnd sich d(er) ewicleich vrewen schüllen vnd daz selbe spital besicze wir czu d(er) selben vreyung genade dem mal d(er) auch daz dis gütiger
begerung vnd vns(er) begabung inlaikeit als czu dem genanten spital sam an den prüdern sam an d(er) besiczung ires gütes offenbar w(er)den ist czu lobe von erst(e)n gotes vnd seiner müter marien vnd allen heyligen czu preiß vnd czu eren vnd czu sel gerete
vns(er)n vorvordern vnd vns(er)n nachkümsten vnd durch vns(er) aigen hail davon dem obersten got selber vnd allen seinen heiligen vnd vns(er)n sielen all chüligsten vater dem obersten pabst des pabstleichen stüles gregory d(er) nünfte willen vnd vnser künig
künige an dem teyl groß miltikait czu vns(er) pein selber bestetiget hatt den gelobe wir mit vnsern künikleichen trewen vür vns vnd vür vnser nachkümsten daz wir alle vns(er) ad(er) p(r)i(u)ilegi(a) vnd begabunge dy in disem prife hie bedewtet vnd
geschriben yst czu dem genanten spital vnd czu seinem güte daz wir dy miltikait gewis vnd vnczuprochenleich vnd vnv(er)worren ewicleich wöllen gehalten werden an yreier wilkür vns mit all vnsern nachkümsten daz czu v(er)p(r)i(u)ilegi(e)n ab ymmer keyn
notdurft darczu twünge daz von vns ad(er) von vnsern nachkümsten daz güt des genanten spitals daz es in hat ad(er) künfticleich haben wirt von dem selben spital v(er)fremdet würde ad(er) in eyne and(er)n nütz and(er)s vnser stiftunge wie lip vns dy were
ad(er) czu nütze vns(er)er swester agnesen ad(er) sand francisc(us) ispendunge v(er)geben würde mit gabe mit czecke ad(er) mit vnrechter gewalt v(er)tan würde vnd auch von keyn(er) erge des got nicht engebe vns(er) gesprochen vreyung vleihunge hintcz des
genanten spitals güte seiner hülfleicheyt beraubet vnd geminnert würde so v(er)tayl wir vnd bekennen czu wid(er)kerunge vnd czugancze wid(er)pringunge d(er) selben geprechen vns vnd alle vnser künftige nachkümenschaft d(er) v(er)wüde des almechtigen
gotes vnd den pan d(er) heyligen cwelspoten sand peters vnd sand pauls vnd den czorn vnd dy echtunge aller heiligen v(er)met haben vnd czu eyn(er) anstet ewiger bestetigunge ditz dinges habe wir dy warheit d(er) gegenwürtigen schrift haissen geschri
weiden vnd mit dem Ingesigel vnser hochwirdikeyt werden Geczeugen ab(er) ditz dinges sint dy der Erberg Iohannes pischoff der pragischen kirchen Eppo d(er) pragische probst vnd d(er) conuent aller sampt d(er) selben kirchen Bohut d(er) probst
von dem Bolesl(a)bs herr Arnolt d(er) probst d(er) kirchen czu wischehrat dy laischen geczeugen Cozmar vnser kamerer a(le)xand(er)ich d(er) purggraff czu prag zawisch d(er) vnter kamrer Ipoch purggraff czu wischehrad Budislab vnd Iaroslav recht gep(r)ü(der)
Zdislab von atzink Bawor von lübohow Sdessab vö smir vnd ander vil mer pfaffen vnd layen gelawphaftig lewte vnd dise ding sint geschehen nach Cristes gepürt vber czwelfhünd(er)t Iar vnd darnach in dem fünf vnddreyffigst(e)n
Iar des sibenczehenden Iares vnsers reiches vnd dis priff wart geben in dem Leütezgang der pragischen mytten in dem harninge