Nos Josephus Secundus divina favente Clementia electus Roma
norum Imperator semper Augustus, Germaniæ, Hierosolymæ, Hungariæ, Bohemiæ, Dalmatiæ, Croatiæ, Slavo
niæ, Galiciæ et Lodomeriæ Rex, Archidux Austriæ, Dux Burgundiæ, et Lotharingiæ, magnus Dux Hetruriæ, magnus Princeps Transylvaniæ, Dux Mediolani, Mantuæ, Parmæ, Comes Habsburgi, Flan
driæ, Tyrolis, &c. Ad perpetuam rei memoriam recognoscimus et notum facimus tenore præsentium universis et singulis. Reverendissimum et Illustrissimum Emanuelem de Rohan sancti Joan
nis Hierosolymitani Ordinis magnum Magistrum, Principem devotum sincere Nobis dilectum, nec non Illustrem ac magnificum Nostrum Cubicularium, locumtenentem Mareschallum, nec non unius le
gionis Pedestris Colonellum proprietarium, rei tormentariæ Directorem generalem, et Fidelem Nostrum dilectum Josephum Comitem a Colloredo et Walsee, ordinis Equitum Melitensium Bajulivum, ejus
demque apud Aulam Nostram Cæsaream Ministrum plenipotentiarium, Receptorem Capituli Provincialis in magno Prioratu Bohemiæ Procuratorem et Comendatorem in Mailberg, nomine totius Ordinis
sui a Nobis humillime petiisse, ut omnia et singula Privilegia, Indulta, Concessiones, ac prærogativas, nec non ordinationes, et Stabilimenta, quæ prædictus Militaris Ordo a prædecessoribus Nostris piissimæ memoriæ
divis Bohemiæ Regibus, in specie a Regibus Vladislao primo et Primislao primo, deinde a Primislao Marchione Moraviæ anno 1231, a Rege Ottocaro 14ta Calend(as) Februarii 1272, a Rege Wenceslao pridie Calend(as) Julii 1284, item 6ta
Calend(as) Augusti 1298, a Rege Joanne 8va Calend(as) Februarii anno 1319, a Rege Carolo 11mo Non(as) Julii anno 1348, item 9na Calend(as) Julii anno 1358, a Rege Wenceslao 17ma Calend(as) Martii anno 1384, a Rege Vladislao 9na May anno 1480, item
26ta Julii anno 1513, a Rege Ferdinando primo, anno 1527, a Rege Rudolpho secundo, 10ma Septemb(ris) anno 1577, et tandem a Rege Mathia secundo 22da Sept(embris) anno 1611, sibi collata confirmataque habet, nec non rescripta a divis Im
peratoribus Ferdinando tertio et Leopoldo primo respective, Abavo et Proavo Nostro gloriosissimæ recordationis ratione exclusionis exterorum a Bohemiæ Prioratu per cancellariam Nostram Regiam Bohemico-Aulicam sub datis
25ta Novemb(ris) anno 1640, et 23tia Septemb(ris) 1698, emanata, posthæc transactum inter provinciale ordinis capitulum Pragæ congregatum ex una, et cives sub jurisdictione ordinis ibidem existentes ex altera parte, 19na Maij anno
1665. comprobatum, atque ab Imperatore Josepho primo piissimæ memoriæ 25ta Aprilis anno 1710, confirmatum et denique comprobationem supra prælatas concessiones a dilectissimo Avo nostro Carolo Sexto Imperatore gloriosissimæ me
moriæ, 1ma May 1726, nec non a dilectissima Matre Nostra Maria Theresia Imperatrice gloriosissimæ recordationis, 4to Martii 1745. subsecutam, clementissime confirmare et approbatione Nostra Regia corroborare dignaremur.
Nos itaque supradictorum magni Magistri et Josephi Comitis a Colloredo devotas ac humillimas petitiones attendentes, nec non præstantia, planeque eximia servitia, quæ totius hujus Militaris Ordinis Equites non modo præde
cessoribus Nostris divis Regibus Nobisque et Augustissimæ Domui Nostræ, verum etiam universo christiano Orbi contra communes, et perpetuos ejusdem hostes continua et indefessa suorum corporum objectione, vitæque et
sanguinis ac bonorum profusione pro salute et securitate omnium fortiter dimicando ad incomparabile et immortale suum decus hactenus præstiterunt, atque etiamnum præstare non cessant, quæque imposterum
præstare poterunt ac debebunt, benigne considerantes, omnia et singula privilegia, indulta, concessiones, ac prærogativas, nec non ordinationes, et stabilimenta, quæ a supra nominatis antecessoribus Nostris, sub alle
gatis datis ordini huic oblata et confirmata fuerunt, deliberato animo, et sano Fidelium Nostrorum accedente consilio, ex certa Nostra scientia, et auctoritate Regia, qua Rex Bohemiæ, in omnibus eorum punctis, clausu
lis et sententiis, non secus, ac si de verbo ad verbum hisce præsentibus inserta et allegata essent, utpote quæ pro sufficienter insertis et allegatis hoc loco habere volumus, clementer acceptamus, approbamus, roboramus, inno
vamus, et vigore præsentium confirmamus, salvo tamen Jure Regio, ac in quantum sæpe dictus Ordo Militaris in usu et possessione istorum privilegiorum est, hæcque juribus et statutis provincialibus in Regno Bohemiæ, et
hæreditariis ejusdem provinciis non derogant, transacto insuper summum inter Pontificem, et divum Romanorum Imperatorem Josephum primum piissimæ memoriæ qua Regem Bohemiæ per Plenipotentiarios suos 20ma Maij
anno 1710 inito, quoad omnia in suis viribus permanente; præterea volumus et præcipimus, prædictum ordinem Melitensem, non obstantibus quibuscunque privilegiis, et concessionibus in contrarium, quibus per præsentes
litteras Nostras expresse derogamus, sanctione Nostra in omnibus obligatum haberi, quæ a Nobis universim circa constitutionem Judiciorum civilium, modumque et ordinem in illis procedendi, nec non circa competentiam
~...~ in terris Nostris hæreditariis Bohemicis, et Austriacis præscripta est. Mandamus igitur universis et singulis dicti Regni Nostri Incolis et Fidelibus dilectis, cujuscunque gradus, status, conditionis, aut
~...~ Magistrum et Josephum Comitem a Colloredo, omnesque alios ad præfatum Ordinem Sancti Joannis Hierosolymitani pertinentes,
~...~ manutent
Ad Mandatum Sac(ræ) Cæsareæ
Regiæ Mattis proprium
Fridericus ab Eger