Wir Ferdinand von gots genaden Römischer künig zu allen zeiten merer des Reichs in Germanien zu Hungern Behaim dalmatien croatien etc. künig.
Infant in Hispanien Ertzhertzog zu Osterreich Marggraff zu Mährern Hertzog zu Lutzelnburg und in Slesien Marggraff zu Lausitz etc. Entbieten dem Wirdigen
geistlichen und getrewen dem unns lieben getrewen N. allen Commenthurn in unnserm künigreich Behaim Marggraffthumben Ohern
und nider Lausitz wonhafft und sunst allen andern Commenthurn zu unnserm Behemischen Priorat gehörig denen dis unnsere offen Mandat oder desselben glaubwirdig
vidimus und abschrift zukhumbt und gezaigt wirdet unnser künigliche gnad und alles guts. Lieben getrewen Nachdem uns vor unns N. wasmas In unns
anlangt auf unnser gnedig ansinnen und ersuchen ain hilff zu widerstand des Erbfeints unnsers hailwartigen Cristlichen glaubens des Türckhen von dem wolge=
bornen dem unns lieben getrewen Jan von Wartenberg dem eltern obersten maister Eures ordens in Behaim und den andern Eurn gesandten Eurn anvertrawen mit voller
gwalt abgefertigt. Ietzt nun mit hulden hierlegen bewilligt und an zubringen in bevelh gehabt. Sich auch den gedanckhen an hat Euer aller hilff neben uns dem
von Strakonitz Ietztin und alles das Jenige so auf Eüch der pilligkait nach zu bezallung diser unnsers Summa auf Eüch geslagen zugeben verschriben. Wie unns aber gedachter
von Strakonitz bericht dem selben bißher wenig volgt beschehen und uns die hilff so Ir unns bewilligt und Ir euch selbs aufferlegt zu tollt Welches verzugs uns mit erlegung
der bewilligung die Ir unns darumb verheis mit grossem Vleis anpracht und dargezaigt Er nit zu chlainer schaden khumbt. Zum andern so werd uns an den einkhumen
grosser abpruch zugefügt Auch werden Eure vellige einkhumen geraicht aber uns das Ihenige so Ir uns hiehin vorgefallen. Umb unnser gnedige versehung derselben
diemütigist angelangt und gebetn. Weil wir dann nit In was gestalt Er sich zu bekhumung und erlegung solcher Summa höflich bemüet sine einkhumen und Irawent
verkhundert und In Und auf Ietzt noch nit erledigt achten wir für unpillich das sein schaden gehiet und Ir uns das so Ir Zuvor neben uns bewilligt verhalten sollet.
Er demnach an unfall und Ieden in sonderhait unnsers gantz ernstlichen bevelh Das Ir unns aus Ieden zu bezallung der bewilligten acht tausent gulden khumet und der pillig=
kait nach angelegt. Welche Ir euch auch selbs aufferlegt sambt den spesen die Ir dem obersten maister vonn Eures kgl. orden und Jubiläum Ietztin verpflicht
uns hinen waigerung verzug wider red und auf flucht vilermelten maister von Strakonitz gwißlich erleget und bezallet. Wo es aber von ainem oder meren mit geschehe
würden wir veruhrsacht das Ihenige fürzenemen Damit der von Strakonitz mit Iren schaden beliben sonder darumb entsetzt würde Was auch dardurch begegnet und
eruolgt Habt Ir zuerachten. Auch solch vor schaden verhietet und unnserm bevelh gehorsamlich gelebet. Das ist unnser ernstlicher willen und mainung Geben in unnser
Stat Neüstat am Ainundzwaintzigisten tag des Monats Januarij Anno etc. im Ain und viertzigisten unnsers Reichs des Römischen im ainlfften und der anndern aller
im fünfftzehenden.
Ferdinand