Innocentius ep(is)c(opus) seruus seruor(um) d(e)i. Uenerabilib(us) fratrib(us) Archiep(is)c(op)is et Ep(is)c(op)is ac Dilectis filijs Abbatib(us) priorib(us) Decanis Archidiaconis
Archip(res)b(ite)ris plebanis et alijs ecclesiarum prelatis ad quos littere iste peruenerint Sal(u)t(em) et ap(osto)licam ben(edictionem). Cum abbates Cistercien(sis) ordinis tempore
generalis concilij congregati ut occasione priuilegiorum suorum eccl(es)ie ulterius minime grauarentur ad comonitionem felicis recordationis. Innoc(entii) p(a)p(e). p(re)decesso
ris n(ost)ri statuerint ut decetero fratres ip(s)ius ordinis nisi pro monasterijs de nouo fundandis non emant possessiones de quib(us) decime debentur eccl(es)ijs et si
pro monasterijs de nouo fundandis tales possessiones pia fidelium deuotione collate eis fuerint aut empte comittant alijs excolendas a quib(us) eccl(es)ijs decime
p(er)soluantur. Dictus p(re)decessor n(oste)r statutum huiusmodi gratum habens et ratum decreuit ut d(i)c(t)i fr(atr)es de alienis terris et ab eo te(m)pore acquirendis etiam si eas pro
prijs manib(us) aut sumptib(us) excolant decimas p(er)soluant eccl(es)ijs quib(us) ratione prediorum antea soluebant nisi cum ip(s)is eccl(es)ijs aliter ducerent co(m)ponendum. quod et ad alios re
gulares qui gaudent similib(us) priuilegijs extendi uoluit et mandauit ut ecclesiarum prelati promptiores et efficatiores se ip(s)is tenerent ad exhibendum ip(s)is de suis malefactorib(us)
iustitie co(m)plementum. eor(um)q(ue) priuilegia diligentius et p(er)fectius obseruarent. Sed quod dolentes referim(us) in contrarium res est uersa. quia sicut ex graui querela dilecto
rum filiorum. Magistri et fratrum hospitalis Ierosolimitan(i) frequenter audiuim(us) nonnulli ecclesiarum prelati et alij d(i)c(t)a eorum priuilegia temere contempnentes et conten
dentes malitiose ip(s)orum peruertere intellectum eosdem multipliciter inquietant. Nam cum sit ip(s)is indultum ut de noualib(us) que proprijs manibus aut sumptib(us) exco
lunt siue de ortis. uirgultis et piscationib(us) suis uel de suorum animalium nutrimentis nullus ab eis decimas exigere uel extorquere presumat quidam p(er)uerso
intellectu conficto dicentes q(uo)d hec non possunt nec debent intelligi nisi de hijs que sunt ante generale concilium acquisita ip(s)os super hijs multiplici uexatione fatigant.
Nos igitur eor(um) quieti paterna sollicitudine prouidere uolentes. Uniuersitati u(est)re per ap(osto)lica scripta mandam(us). quatin(us) dictos fratres a prestatatione decimarum tam
de possessionib(us) habitis ante concilium memoratum quam de noualibus siue ante siue post idem concilium acquisitis que proprijs manibus aut sumptib(us)
excolunt de quib(us) noualibus aliquis hactenus non percepit. necnon de ortis uirgultis et piscationib(us) suis et de suorum animalium nutrimentis sin
guli u(est)r(u)m omnino seruetis immunes. Contradictores p(er) censuram ecclesiasticam appellatione p(os)tposita compescendo. Dat(um) Lugdun(i) vij Id(us) Julij
Pontificat(us) n(ost)ri Anno Quinto ;