In nomine domini amen. Nos Petrus Archidiaconus horsoviensis in ecclesia pragensi Officialis Curie Archiepiscopalis pragensi per hoc transsumptum publicum notum facimus universis
Quod constitutus coram nobis honorabilis et religiosus vir frater dominus Nicolaus Commendator domus in Zittavia ordinis sancti Johannis Jerosolimitani in civitate pragensi diocesis exhibuit
produxit et ostendit publice coram nobis patentes litteras non rasas non cancellatas non abolitas nec in aliqua ipsarum parte suspectas sed omni prorsus vitio et suspicione carentes
bulla plumbea in cordula canapis pendenti more curie romane bullatas quarum tenor inferius describitur. Quas quidem litteras idem frater Nicolaus transsumi petiit et in publicam
formam redigi una cum auctoritate ordinaria et decreto ne ipsarum copia casu fortuito amittatur Nos itaque visis et diligenter inspectis eisdem litteris et ipsis veris absque suspicione aliqua
reputatis et eiusdem fratris Nicolai peticioni utpote rationabili annuentes prefatas litteras transsumi et exemplari mandavimus per Johannem de Lussanicz publicum notarium infrascriptum et eo
scientes et tenore presentium decernentes quod transsumpto huiusmodi deinceps in omnibus et per omnia plena fides adhibeatur tam in iudicio quam extra sicut originalibus litteris ipsis trans
sumptum fidem faciat in agendis quibus omnibus et singulis in eam auctoritatem interponimus et decretum Tenor vero litterarum predictarum per omnia sequitur sub hiis verbis Innocentius
episcopus servus servorum dei Venerabilibus fratribus universis patriarchis Archiepiscopis Episcopis ac dilectis filiis Abbatibus Prioribus prepositis Decanis Archidiaconis Archipresbiteris ceterisque ecclesiarum
et monasteriorum prelatis ac ipsorum coadiutoribus et Capitulis et Conventibus eorundem vicariis et officialibus ad quos presentes littere pervenerint Salutem et apostolicam benedictionem Excusantes ad dilectos filios
magistrum et fratres ordinis sancti Johannis Jerosolimitani qui contra hostes fidei christiane exponere iugiter in certamine formidant nec trepidant se et sua pro re dilectionis assidue turbari non inmerito
cum ipsorum in eis precipue dampna perpessis et periculis plerisque aggravari Sane petitio eorundem magistri et fratrum nobis exhibita continebat Quod licet tam ex ipsorum privilegiis quam eciam
ordinationi sedis apostolice ipsi magister et fratres ad ecclesias ad eorum patronatum seu donacionem spectantes possint viros dati hospitalis et illas clericos presentare et illi ad quos huiusmodi presentatio
institutio pertinet sine difficultate ipsos presentatos in eisdem ecclesiis instituere teneantur Nonnunquam magister et fratres ad ecclesias ad eorum donacionem seu patronatum spectantes cum vacant viros dati
hospitalis et illos clericos idoneos infra tempus debitum vobis presentant ad easdem ecclesias ut presertim ad quos ipsarum presentatio institutio dinoscitur pertinere Nonnulli tamen in eis ipsos
presentatos per eos ad eas spectat in eisdem ecclesiis instituere et admittere absque causa rationabili contradicunt in eciam ac magistri et fratrum eorundem dampnum non modicum et gravamen
Quare dicti magister et fratres super premissis ad benignitate sedis apostolice recurrentes eius remedia suppliciter implorarunt Nos igitur cupientes eosdem magistrum et fratres in suis iuribus
et privilegiis observari discretioni vestre per apostolica scripta precipimus et mandamus quatenus viros hospitalis eiusdem et illos clericos quos deinceps dicti magister et fratres ad huiusmodi ecclesias ad
eorum patronatum seu donacionem spectantes vobis presentaverint canonice ut presertim dummodo constiterit idonei in vicarios perpetuos earundem ecclesiarum per ad nos ipsorum presentatio institutio
pertinuerit instituere curetis Datum Avinion(e) xiiii Kalendas Marcii pontificatus nostri anno Quarto In cuius rei testimonium presens transsumptum publicum exinde per notarium infrascriptum fieri et
in formam publicam iussimus redigi mandavimus et sigilli officiolatus Curie Archiepiscopalis pragensis patet quo ad presens utimur appensione muniri Datum et actum in maiori Civitate pragensi
in domo habitacionis nostre Anno domini millesimo Trecentesimo Quinquagesimo octavo Indicione duodecima die decimaquarta mensis Novembris hora quasi tercia presentibus discretis viris
dominis Laurencio plebano ecclesie in Luthowicz Andrea de Slana pragensi et Nicolao de Krakouyecz Wratislaviensi diocesium clericis nostris familiaribus testibus ad premissa vocatis et rogatis
Et ego Johannes quondam Martini de Lussanicz clericus pragensis diocesis publicus auctoritate Imperiali notarius exhibitioni presentationi et ostensioni predictarum
litterarum ac peticioni per dictum fratrem Nicolaum et necnon auctoritatis et decreti interposicioni et omnibus et singulis suprascriptis dum sic sicut premittitur et dicuntur
preenominatis testibus presens interfui eaque omnia et singula de mandato et auctoritate prefati domini petri officialis et ad peticionem dicti fratris Nicolai propria manu
scripsi et in hanc publicam formam redegi et feci publicam diligenti collatione de presenti transsumpto ad ipsas originales litteras quam ea concordare inveni hic
me subscripsi signoque meo et nomine consuetis signavi in testimonium omnium premissorum