FRATER JOANNES LEVESQUE DE LA CASSIERE
Dei gratia sacrae Domus Hospitalis sancti Joannis Hierosolymitani Mag(iste)r humilis pauperu(m)q(ue) Jesu christi custos Ven(erabili) Religioso in christo nobis
p(re)char(issi)mo f(rat)ri Venceslao hasis a hassemburg prioratus n(ost)ri Boemiae Priori et cuicunq(ue) alteri in eode(m) prioratu locutenti seu p(re)sidenti salutem
in d(omi)no et diligentia(m) in comissis; Cu(m) ex diuersis locis co(mmun)i om(n)ium ore nobis relatum esset, Tyrannu(m) Turcam n(ost)ri ordinis eque ueterem et antiquissimum
hostem numerosissima(m) ac potentissima(m) classem moliri ad hanc insula(m) et conuentu(m) nostru(m) obsidendu(m) ac pro barbara insolentia (quod Deus auertat)
delendum ob id multos ex fratribus n(ost)ris ut ad nos nostru(m)q(ue) conuentu(m) mature se conferrent pluries citauerimus, et nunc ide(m) rumor latius incre
brescat atq(ue) ex ijsdem Tyranni finibus per fidos n(ost)ros exploratores pro comperto habeamus, eande(m) classem maiori q(uam) hact(enus) Triremiu(m) numero et fre
quentiori exercitu preparari ut in pro ueris initio opus iam diu premeditatu(m) aggrediatur, rectaq(ue) et aperto marte huc proficiscatur et par sit in tam
immineti et quasi iam p(rese)nti periculo omnes f(rat)res et comilitones nostros nobiscum adesse ut eor(um) uirtute consilio reiq(ue) bellicae usu et pietate deniq(ue)
qua pro laribus dimicandu(m) est iuuari possimus; Hinc est q(uod) cu(m) deliberatione n(ost)ri Ven(erandi) concilij tibi precipimus et mandamus in uirtute sancte obedi
entiae ac sub pena contra eos statuta qui mandata n(ost)ra exequutioni mandare negligunt ut authoritate n(ost)ra moneas, cites, seu moneri hortari et
citari facias om(n)es et sing(u)los Baiuliuos, com(endato)rios f(rat)res milites, et seruientes armor(um), tam istius Prioratus q(uam) alterius cuiuscunq(ue) quos in limitibus eiusde(m)
reperiri contigerit, quor(um) nomina hic uolumus haberi pro sufficienter expressis prout eos hac serie monemus hortamur et citamus quatenus infra
mensem martij proxime futuru(m), quem illis et eor(um) cuilibet pro primo secundo tertio et perhemptorio Termino assignamus, compareant armis accincti
ac quilibet eor(um) personal(ite)r comparuisse debeat cora(m) nobis in conuentu n(ost)ro prout ex professione Tenentur suo ordini debita obsequia prestituri, Alias
eo termino elapso et ipsis non comparentibus, contra eos et eor(um) quamlibet procedemus, procediq(ue) faciemus ad declaratione(m) penar(um) per n(ost)ra statuta
apostolicaq(ue) indulta contra Inobedientes et mandatis suor(um) superior(um) rebelles Inflictar(um) usq(ue) ad priuatione(m) habitus ipsor(um) contumacia in aliquo non
obstante; Concedentes tibi authoritatem et facultatem predictos f(rat)res Inobedientes, et rebelles elapso dicto mense martij citandi seu citari faciendi
ad se priuari uidendu(m) iuxta forma(m) statutor(um) n(ost)ror(um), Taliter autem in premissis te geras, ut tua apud nos mereatur comendari sedulitas, In cuius rei
Testimoniu(m) bulla n(ost)ra Magistralis in cera nigra p(rese)ntibus est impressa Datum Melita in conuentu n(ost)ro die prima mensis Julij Millesimo quingentesimo
septuagesimo sexto,
R(e)ta In Cancell(ar)ia
Thomas gargallus Vicecancell(ar)ius