Frater Don Martinus de Redin
Dei gra(tia) Sacræ Domus Hospitalis S(an)c(t)i Joannis Hierosolymita
ni, et Militaris Ordinis S(an)c(t)i Sepulchri Dominici Magister
humilis, pauperumq(ue) Jesu Christi Custos. Vniuersis, et singulis
p(ræsen)tes n(ost)ras l(itte)ras uisuris, lecturis, et audituris salutem.
Notum facimus, et in uerbo ueritatis attestamur qualiter infra
scripta Attestatio, extracta fuit ex Libro Bullar(um) in Can
cell(ari)a nostra Conseruato, in quo similes notari, et regestrari
solent, Quam quidem in hanc publicam formam extrahi, et
redigi iussimus ut ubiq(ue) tam in Judicio, quam extra eidem
plena et indubitata fides adhibeatur. Cuius tenor est qui sequitur:
|Videlicet| Frater Hugo de Loubenx Verdala
Dei gra(tia) Sacræ Domus Hospitalis S(an)c(t)i Joannis Hierosolymi
tani Magister humilis, pauperumq(ue) Jesu Christi Custos:
Et Nos Conuentus Domus eiusdem. Vniuersis, et singulis p(ræsen)tes
n(ost)ras l(itte)ras uisuris, lecturis, et audituris, Salutem. Decet
ueritati testimonium adhibere, ne propter rerum ignorantiam
alicui generetur præiudicium; Ea propter, tenore præsentium
notum facimus, et in uerbo ueritatis attestamur, fidemq(ue) facimus
indubiam qualiter, in omnibus actis, prouisionibus, et Bullis,
alijsq(ue) scripturis a nostra Cancellaria expeditis, ab antiquo
usque in præsentem diem, annus numeratur ab Incarnatione
non autem a Natiuitate, et incipit, principiumq(ue) habet a festo
Annuntiationis Beatæ Virginis Mariæ die Vigesima quinta
mensis Martij, et sic a die Natiuitatis D(omi)ni N(ost)ri Jesu Christi
usq(ue) ad dictum festum Annuntiationis additur uerbum hoc ab
Incarnatione, ut uerbi gratia in data præsentium dicitur Anno
1583. ab Incarnatione, numerando a Natiuitate diceretur 84.