Frater Hugo de Loubenx Verdala Dei gratia S(anctae) R(omanae) E(cclesiae) Tituli S(anctae) Mariae In Porticu Diaconus
Cardinalis et Sacrae domus Hospitalis S(ancti) Joannis hier(osolimitani) Mag(iste)r humilis pauperumq(ue) Jesu Christi custos. Ven(erabili) Religioso in Christo nobis
Charissimo fr(atr)i Mattheo Leopoldo Popel Prioratus n(ost)ri Boemiae Priori, seu cuicu(m)q(ue) alteri in dicto prioratu locumtenenti aut praesi=
denti Salutem in D(omi)no et diligentiam in comissis. Cum vndi(que) nuntiatur et per multos viros fidos exploratores comorantes in partibus
Joanni Turcae n(ost)ri ordinis eque veteris et antiquissimi hostis nobis relatum sit, et pro comperto habuimus ipsum Turcam numerosissima(m)
ac potentissima(m) Classem p(rae)paraturu(m), et veremur ne pro barbara Jnsolentia hanc Jnsulam et Conventum n(ost)rum aggressuru(m), et par sit in
tam imminenti periculo omnes fr(atr)es et comilitones n(ost)ros nobiscum adesse, vt eorum virtute, co(n)silio reiq(ue) bellicae vsu et pietate, deniq(ue) qua
pro laribus dimicandum est, Juuari possimus. Hinc est q(uo)d deliberatione n(ost)ri ven(erandi) Concilij tibi p(rae)cipimus et mandamus in virtute S(anctae)
obedientiae ac sub p(o)ena contra eos statuta, qui mandata n(ost)ra exeq(ui)ti mandare negligunt, vt au(c)t(oritat)e n(ost)ra, moneas, cites seu citari et mo=
neri facias omnes et singulos Bajuliuos, Com(mendator)es et fr(atr)es milites, et Seruientes armorum tam istius prioratus, q(uam) alterius cuiuscunq(ue), quos in
limitibus eiusdem reperiri contigerit, quorum nomina et cognomina hic volumus haberi pro sufficienter expressis, exceptis tantu(m)
Oratore ordinis n(ost)ri in Curia Caesareae M(aiesta)tis degente, nec no(n) Receptore et procuratore pro co(mmun)i aerario in isto prioratu deputatis seu depu=
tandis quos serie p(rae)sentium citamus, monemus et hortamur quatenus per totu(m) Mensem Aprilis p(ro)x(ime) futuri comparuisse debeant coram
nobis in conventu n(ost)ro prout ex professione tenentur suo ordini debita obsequia p(rae)stituri. Al(ia)s ipsis citatis et monitis, et no(n)
comparentibus contra eos et eorum quemlibet procedemus, procediq(ue) faciemus ad declarationem p(o)enarum per n(ost)ra statuta, Ap=
postoliciq(ue) indulta contra inobedientes et mandatis suorum superioru(m) rebelles inflictarem, V(idelicet) ad priuationem habitus
ipsorum contumacia in aliquo no(n) obstante. Taliter autem in p(rae)missis te geras vt tua apud nos mereatur comendari seduli=
tas et obedientia. Jn cuius rei testimonium Bulla n(ost)ra Magistralis in cera nigra p(rae)sentibus est impressa. Datum Melitae in Conventu
n(ost)ro Die Vigesima septima Mensis Decembris Millesimo Quingentesimo Nonagesimo Quarto ab incar(natio)ne.