Frater Joannes Paulus Lascaris Castellar Dei gr(ati)a Sacr(a)e Domus Hosp(ital)is S(ancti) Joannis Hier(osolymitani) et militaris Ordinis S(ancti) Sepulchri Dom(ini) Mag(iste)r
humilis pauperumq(ue) Jesu Xpi Custos. Ven(erando) Religioni in Xpo nobis Charissimo fr(atr)i Rodulpho Coloredo Prioratus n(ost)ri Bohemi(a)e Priori, uel
cuicunq(ue) alteri in dicto Prioratu locumten(en)ti, seu Pr(a)esidenti Sal(ute)m in D(omi)no et diligentiam in Commissis. Cum ex literis multor(um), certisq(ue)
nuncijs compertum habeamus, Turcam Tyrannum Xpian(i) nominis, et pr(a)esertim n(ost)ri Ordinis acerrimum, et antiquissimum hostem numerosam
ac potentem Classem p(raese)nti anno mo(li)ri et parare, ad Nos, Insulasq(ue) n(ost)ras inuadendum. Quonq(ue) par sit in tam imminenti, et quasi pr(a)esenti
iam periculo omnes fratres et commilitones n(ost)ros nobiscum adesse, ut eorum uirtute, consilio, reiq(ue) bellic(a)e usu, et pietate iuuari possimus.
Hinc est, quod cum deliberatione n(ost)ri Ven(erandi) Concilij, ten(or)e p(raese)ntium tibi pr(a)ecipimus, et mandamus in uirtute S(anct)c(a)e obedienti(a)e, ac sub poena contra
eos inflicta, qui mandata n(ost)ra exequutioni demandare negligunt, ut auct(oritat)e n(ost)ra, moneas, et cites, seu moneri, hortari, et citari facias om-
nes, et singulos fratres Baiuliuos, Commen(dato)rios, milites, et seruientes armorum, ac nouitios omnes, illosq(ue) in minori (a)etate d(ic)tas in ordine
n(ost)ro receptos, qui in decimo octauo eorum (a)etatis anno sunt constituti tam istius Prioratus, quam alterius cuiuscumq(ue), quos in limi-
tibus eiusdem reperiri contigerit, quorum nomina, et Cognomina hic pro sufficienter expressis haberi Volumus, prout eos harum
Seri(a)e monemus, hortamur et citamus, quatenus per totam decimam quintam diem mensis Aprilis proximè futuri, quam illis,
et eorum cuilibet pro primo, secundo, tertio, et peremptorio termino assignamus, compareant, et eorum quilibet comparuisse debeat,
armis accinctus, coram Nobis in Conuentu n(ost)ro, suo ordini (prout ex professione tenentur) debita obsequia pr(a)esturi: Demptis
tamen, et exceptis Receptore, et Procuratore n(ost)ri Co(mmun)is (a)erarij in eodem Prioratu, et his, qui propter senectutis imbecillitatem, et
Corporis inualetudinem pr(a)eliari non ualent: Alias eo termino elapso, et ipsis non comparentibus contra eos, et eor(um) quemlibet
procedemus, procediq(ue) faciemus ad declarationem poenarum per statuta n(ost)ra, Aplicag(ue) Indulta contra inobedientes, et mandatis
suorum Superiorum rebelles inflictas, Vel ad priuationem habitus, Commendarum, aliorumq(ue) bonor(um), qu(a)e possident, et contra Noui-
tios, ac inminori (a)etate, ut pr(a)efertur, receptos ad declarationem amissionis eor(um) receptionis, antianitatis, et fori Ordinis n(ost)ri ita ut
omnino ab ingressu Religionis n(ost)r(a)e exclusi censeantur, eorum contumacia in aliquo non obstante. Concedentes tibi auct(oritat)em, et
facultatem pr(a)edictos fr(atr)es, et nouitios ac in minori (a)etate, ut pr(a)efertur, receptos, inobedientes, et rebelles (elapsa p(r)efata decima quinta
die Aprilis citandi, seu citari faciendi ad se, habitu, receptione, antianitate, et ingressu Religionis respectiuè priuari ui-
dendum iuxta formam statutor(um) n(ost)ror(um): C(a)eterò qui ad arma gerenda, ac pr(a)eliandum sunt impotentes, ut dictum est, enixè
hortaberis, ut in tam necessarijs, et euidentissimis periculis, subsidium aliquod ordini n(ost)ro, tanquam eorum Matri, porrigant
et pr(a)estent. Volumus autem, quod ipsi fr(atr)es, Nouitij ac in minori (a)etate recepti ad Conuentum accessuri, famulos ad eis inseruiendum
Viginti annorum (a)etate minores secum conducere minimè ualeant, ad hoc ut similiter ad p(r)eliandum habiles sint. Curabis igitur
p(r)emissa omnia, et singula ad unguem exequi, et de omnibus quam citiùs fieri possit, per acta publica, et authentica nos certiores
reddere. Taliter autem in p(r)emissis te geras ut tua apud nos (prout consueuisti) mereatur commendari sedulitas. In Cuius
rei Testimonium Bulla n(ost)ra Magistralis in Cera nigra p(raese)ntibus est impressa. Dat(um) Melit(a)e in Conuentu n(ost)ro die Vigesima quarta
mensis Januarij Millesimo Sexcentesimo Quadragesimo Quarto ab Jncarnatione.
Fr(ater) m(a)c(a)ri(us) Canc(ellari)us
Fr(ater) Lucas Bonus Coadiut(or) Vicecancell(ari)us