Ich volfinch von svnnewertch chvnde an dysem brief allen den die nv lewent oder her nach chvnftich sint daz ich mit ver
dahtem mvt vnd mit meiner liewen hovsvrowen vrowen hedweigen hant vnd mit ir gvtem willen vnd adert meiner erwen han
den erwen brvdern ze moweppg sant iohans ordens vnd des spitals von ierusalem verchovffet rehte vnd redleich ain lehen ze pv
hoven daz mir galt sechtzich phenning vnd zehen metzen waitzes vmb zehen phvnt phenning wiener mvntz die selwen brvder von
moweppg daz vorgenant lehen mit seime gvte gesvhet vnd vngesvht ewichlichen vnd rvbechlichen ze besitzzen vnd hawent mich die selwen
brvder von moweppg der phenning schon gewert als verr daz ich an siv niht mer ze vodern han vnd lob den vorgenanten brvdern daz vor
genant lehen ze pvhoven schirmen vnd vrien gentzlichen vor aller ansprach si sei gegenwirtich oder chvnftich aller meiner erwen dritzeh iar
vnd ainen vnd ainen tach als lant reht ist in osterreich vnd daz der chovf vnd daz gelvb des schirmes vnd des gvtes von mier oder von
meinen erwen oder meiner afterchovfe iht werde her nach zebrochen mit deheiner widertrahtunge oder vergezvuge des gib ich dysen ge
genwertigen brief geschriben den vorgenanten brvdern von moweppg vervestent vnt versigelt mit meinem insigel vnd mit meines werden vn
getriwen oaheimes insigel hern stefans von meysowe zv einer ewigen bestetigvnge vnd ze ainem sihrtgem vrchvnde mit dysen gezwgen den
disiv sach chvnt ist daz ist her stefan von meysowe der vorgenant her otte von gvttat her hadmar von aspy her herman von svnne
wertch her hadmar von taschenloe her alwer von svnnewertch vnd ander biderwe levt genvch den diser chovf wol chvnt ist do diser
chovf geschehen ist do was von chrystes gebvrt towsent vnd zwai hvndert vn daz ander vnd nvntzig iar des nehsten samztags vor sant
gregorien tach