Ich Stephan der Stochs. vergihe vnd tvn chvnt allen den die disen prief lesent oder hozent lesen. die nv le
bent vnd hernah chvnftich sint. Daz mein svn Stephan sich lavterlichen dvrh got vnd dvrh seiner sele willen be
geben hat in den hailigen orden sand Johannes vnd des Spittals vber mer von Jerusalem. zv den prvdern In
das Gothavs sand Johannes da ze loh. vnd wand daz mit meinem gvten willen. vnd avch mit meiner gvnst ge
schehen ist. da von so han ich Stephan der Stochs geben den prvdern. vnd dem vorgenanten Gothavse sand Johan
nes da ze loh. meins rehten aigens. vnd meins svns aigens Stephans. Zwai lehen. vnd ain hofstat da ze
Galprvnnen. die mit wisode mit alle. dienent alle Jar. aine ainen vnd zwenzich phenninge. Drev phvnt wienner
phenninge. Vnd han in geben Sechzehen phenninge geltes die mir die vorgenanten prvdere da ze loh. dienten alle
Jar von dem perge da ze lutzendorf ze rehtem pvrchrehte vnd han in geben ain lehen da ze Obern lantzendorf.
daz da dient alle Jar fvnf schillinge wienner phenninge. Daz vorgenant gvt alles han ich Stephan der Stochse ge
ben mit allem dem nvtz vnd reht als ich is in aigens gewer her pzaht han. den prvderen vnd dem vorgenanten Got
havse sand Johannes da ze loh. da mit allen irn fvrmen ze schaffen. verchavffen versetzen vnd geben swem sie wel
len an allen irrsal. vnd dar vber dvrh pezzer sicherhait. so setzen wir vns. ich Stephan der Stochse. vnd ich albreht
der Stochse von Travtmannestorf. vnd ich Otte von haselawe. vnverschaidenlichen den vorgenanten prvderen. vnd
dem vorgesprochen Gothavse sand Johannes da ze loh. vber die vorgenanten zwai lehen. vnd vber die hof
stat da ze Galprvnnen. vnd vber die Sechzehen phenninge geltes pvrchrehtes avf dem perge da ze lutzen
dorf. vnd vber daz lehen da ze Obern lantzendorf ze rehtem schirme fvr alle ansprache als aigens reht ist vnd
des landes gewonhait ze Osterreiche. vnd geben in dar vber disen prief ze ainem sihtigen vrchvnde. vnd ze
ainem offen gezeyge vnd ze ainer ewigen vestnunge diser sache versigilten mit vnsern Insigiln. vnd sint avch
des gezeyg. her chalhoh von Eberstorf. Chamrer in Osterreiche. her Chadolt von haselawe. her Hinvrid von
Eckartesawe. Her Rvdolf von Eberstorf. Chadolt von wahingen. vlrich von Tærenberch. Hadmar der Stoch
se von Travtmannestorf. Chadolt von Eckartesawe. vnd ander fvrme levte genvch. Diser prief ist geben
ze wienne do von christes gebvrt waren ergangen. Drevzehen hvndert Jar. In dem andern Jare dar
nah. des nahisten Sontages nah sand Andrees tage