Ich alb(er) von paumgarten und mein prued(er) h(er) cholt und h(er) wilhalme und auch h(er) wichart von paumgarten und sein getrewe h(er) cholt und d(er)
getrewe von atzenprukke und auch h(er) dietel von paumgarten und sein prud(er) h(er) dietmar chieschen und tuen chunt allen den da disen prief anse
chent od(er) hoerent lesen di nu lebent od(er) h(er)nach chunftich sint daz wir mit bedachtem muet und mit gesamter hant und mit guetem rat da zu
gechauft uber den hof dacz harratz den d(er) Gotfrid von valchenaech ee von uns hat dem orden des heiligen h(er)ren sant Johans spital
choufen laedlich durch got haben gegeben und des selben guetes cherme welle wir sein nach aigens recht d(er) selbe hof dienet zwai
phunt phenninge daz ain stet und ain unzeprochen belibe so geben wir disen prief besigelt mit unsern
insigeln und sint auch geziuch die edelen h(er)ren h(er) hadmar von sunneberch und seyn sun h(er) chraft h(er) diepalt von distelbach h(er) cholt
von wehingge dis prief ist gegeben do von christes gepurde waren ergangen tausent driu hundert jar dar nach in dem zwelten jar