Ich Haimreich Chrämer ze den zeiten Richter ze Prienne vergich vnd tuen chunt allen den die disen brief an sehent
oder horent lesen daz fv(er) mich chom in der schranne der erber herre bruder Nyclas ze den zeiten Chv(e)nreuter
daz sant Johans ze Prienne in der Oherner strasse. vnd chlagt ains erowen magtieten haus der Gotschalchinne
daz do leit gegen der himeforten. dar vmbe zwelf schillinge phennige gelts purchrehtes. also lang vnzen
daz er dar auff gehabe fvnf zwispilde. do er do die vorgenanten fvnf zwispilde gehabe auff dem vorgenanten haus do
scholt im zwen erber man geben. die daz vorgenant haus gescha(e)tzten vnd auch scha(e)tzten ob iz niht teurer wer den die
vorgenanten fvnf zwispilde zesamt dem purchrehte. die der vorgenant bruder Nyclas dar auff gehabe hiet des
gab ich im hern Marcharten den messpriester. vnd hern haimreichen den Pöter den messpriester. die scha(e)tzten daz vor
genant haus vnd scha(e)tzten iz auch vnd sagten daz pei iren trewen vor mein in der schranne ze rechtem geriht. daz
daz vorgenant haus niht teurer wer. danne die vorgenanten fvnf zwispilde zesamt dem purchrehte die der
vorgenant bruder Nyclas dar auff gehabe hiet. des pat dvrch der vorgenant bruder Nyclas dar vmbe ze fragen
was nv reht wer. do ward vmbe gevraget. vnd ertailt im erog vnd vrtail. man scholt. den vorgenanten
bruder Nyclasen. des vorgenanten hauses gehelich machen zeuersezzen vnd zeuerchäuffen. vnd zegeben swem er
welle an allen infal vnzen daz er der vorgenanten fvnf zwispilde zesamt dem purchreht gar vnd genzlich
da von gebert wvrde daz tet ich. vnd dar vmbe gib ich dem vorgenanten bruder Nyclasen. vnd dem
vorgenanten haus datz sant Johans ze Prienne disen brief ze einem offen vrchvnde vnd ze ainem waren gezeug
diser sache versigelt mit meinem infigel. diser brief ist gegeben da von Christes gebvrde waren ergangen
dreuzehen hvndert iar in dem zwainzigistem iar des na(e)hst des svnntiges in der ersten vast wochen ::