Ich Chunrad von Hadmarstorf vnd ich Kuneig sein hauswrowe wir verjeihen an dem brif vnd
tun chunt allen den die in lesent oder horent lesen die nu lebent oder hernach chumphtich wer
dent Daz wir mit vnser aiden guten willen vnd gunst mit wol bedachtem mute mit ge
sampter hant in der zeit do wir es wol getun mochten vnd mit gutem rat vnser besten vreunt
den erberen herren vnd dem Gotes haus ze Zwetpel verchaufet haben vnser rehten aygens
ain phunt wienner phenning geltes ze Pielahstorf ze verchaufen ze verseizen vnd gemen swem
sy wellen an allen in fal vnd allen iren frum da mit ze schaffen swie sy wellent vnd haben in daz
auf gegeben mit allem dem reht als wir es eemalen vnd alle vnser vodern in nutz vnd in gewer
dar braht haben ze velde vnd ze dorfe gestiftet vnd vngestiftet versucht vnd vnversucht
vmb Sybenzig phunt wienner phenning der wir reht vnd redlich wairtigt vnd gewert sein an
allen vnsern schaden Daz selbe vorgenant phunt geltes vnd die aygenshaft ze Pielahstorf schulle
wir in schirmen als reht ist vnd dar vmb durch bazzer sicherhait seizen wir den vorgenanten
herren vnd dem Goteshaus ze Zwetpel mit sampt vns vnuerchaidenlich ze rehtem schirme vnsern
vater den Chunraden von Hadmarstorf Johansen von Wintdorf Vlreich von Chadowe die waren
seinen bruder Friderichen Haerleim vnd witwe den Amben so beschaidenlich daz wir in die eegenant
aygenshaft vnd daz phunt geltes vnuerchaidenlich vertaidingen vnd schirmen sullen vor aller an
sprach als aygens reht ist vnd des landes reht in Osterreich vnd haben in daz gelaysten mit vnseren
trewen an aydes stat vnd waz in dar an abget daz sullen sy haben auf vns vnd auf alle der gut
wir haben in dem lande ze Osterreich vnd ob wir des nicht taten so sol sy der landes herre oder sein
gewalt da von weisen vnd sol in iren schaden vollichleich wider cheren den in ainer oder zwen bey
iren trewen gesagen mugen den sy da von nement mit vnserm guten willen an chlag vnd an aller
taidinch Daz die sache stet vnd vnzerbrochen beleybe vnd auch furbaz dar an niht vergezzen werde
des geben wir in disen brif ze ainem vrchunde diser sache versigelten mit vnsern insigeln Daz
sint gezeug der Vlreich von Chadowe Hainrich von Stoyzendorf Otte der Sitzendorfer Diet
mar Holtzman Stephan der Langenawer Otte der Altrihter ze Egenburch Gothard in dem
winthof vnd Chunrad der Laimberger vnd ander erber leut genuge Der brif ist ge
geben ze Egenburch nach Christes geburt Tausent jar Drey hundet jar vn in dem
Syben vnd zwaintzigistem jar an sand Bartholomes tag