Ich priester Herr Chv̊nrat von Havtzz vnd getriwer holde der Erbn Herren ze Hewtzp(er)g tv chvnt
allen den di disen prief sehent lesent oder horen lesen / di nv lebent oder nach chvmftig sint / daz
ich mit bedachtem mvte vnd mit gvten willen ze den zeiten da ich daz wol getven mochte hab
gegeben sechsenhalb gewanden achers meines rechten pvrchrechtes di da ligent in den velden
ze Havtzz vnd zway vierteil weingartens daz aine leit an dem Rvtgenberch daz ander in
dem Ottenweingart mit allen den Rechten di dar zv gehoren oder da von gevallent meiner wo
dem gotes havs ze Havtzz ze ainem ewigen selgerete also beschaidenleich daz des vor genanten achers
#3w di da ligent ze Havtzz in dem Svidinveld nach meinem toed gevallent an de(n)
Erbn ordens havs ze Havtzz vnd von den vierteiln dient man alle Iar auf sand Iurgen
tag vier pfenning wiener mvnze gegen Hewtzp(er)g Dar nach hab ich gegeben vier gewanten
di da ligent in den Havtzzhofen dem gotes havs des gvten h(er)ren sand Lorenczen ze zavingedorf
ze ainem selgerete vnd di vier gewanten dinent zwelf pfenning dem h(er)ren d(er) chirchin sam
von phingsten sehs an sand Iurgen tag vnd sehs an sand Michels tag di sol der zechmaist(er)
von zavingedorf ver chaufen vnd schol ainen kelich vmb daz selb gvt chavfen vnd swas daz
obrich sei daz schol her mit rate der piderwm levt von zavingedorf in daz gotes havs sand
Lorencze legen Dar nach hab ich gegeben vier gewanten di da ligent hinder den holczn
vnd ains vber den steyg vnd d(er) vier gewanten schol gewaltich sei swer da ze Havtzz
zechmaister ist vnd schol es von mir vnd meinen toedern an der seln tag ze weinacht
#3w ist daz selb gvt erigleich mit ainer leiczen vnd schol gebn
vier pfenning dem priester der da singet vnd dem chvplan sehs vnd ain halbes pfvnt
auf den alter vmb alle Iar ain liecht ze prinnen vnd zwelf pfenning den armen levten vmb
prot vnd di vier gewanten dinent vier pfenning an sand Iurgen tag ze Hewtzp(er)g / Dar nach
hab ich gegeben viertehalb gewanten ze der chirchin dem hailigen h(er)ren sand pan
cracio ze Havtzz di da ligent in dem nidern veld di dinent siben pfenning an sand Iur
gen tag ze Hewtzp(er)g vnd ainen auf vnser vrawen alter ze Havtzz vnd di zway
vierteil weingarten vnd daz havs geb ich ledicleichen ze dem gotes havs ze Havtzz also be
schaidenleich daz man di zwo Innevrawen swester Alheiten vnd irer altesten swer di
herwetz cheuf f(rau) baiden wntzz an irn toed da von nimmer schaide vnd di herwetz dinet
zwen vnd zwainczig pfenning vnd ain vasschank hvn ainlif pfenning an sand Iurgen
tag vnd ainlif an sand Michels tag ze Havtzz in daz havs vnd swas daz obrich sei
alles Iar von weingarten vnd von acher daz der zechmaist(er) auf hebt daz schol her alles
Iar mit rate teiles rat vnd auch der Erbn levt di da gesessen sind in dem aigen an daz
gotes havs vnd daz diz gescheft stet vnd vnzerprochen bleib dar vber geb ich disen prief v(er)si
gelt mit des Erbn convents Insigel ze Havtzz vnd mit Erbn levte Gozels vnd Ot
ten d(er) pfarr von Havtzz Der ist gegeben nach Cristes pvrt drevzehen hvndert Iar dar
nach in dem achtvnddreizzigesten Iar an sand vrbans tag ::