Ich Maichart von Capel Hofricht(er) in Ost(er)r(eich) tveich offenleich mit disem brief daz her
Alber von Chunring schuld gab den erber(n) h(er)ren von Hawsperg si teten im gewalt
daz si im ir(e)n m(a)n(n)e(n) m(a)n(n)ten gaben von ir(e)m gut daz si in ir(e)m Haws striten vnd theten dar
vmb ainen gewalt hinz dem erbern h(er)ren h(er)r(n) Hainreichen von Hochenberch ze
den zeiten maist(er) dez selben hawses vnd d(er) samung daselbs als verre daz h(er)r
Hainr(eich) auf ein Inewicht cham mit vorfprechen fur mich in rehtem Hofteiding
vnd offem er wer dez gewaltes onschuldich er vnd sein samung als man in
schuld gabe vnd p(ro) er d(a)rgen mit vorfprechen rehtz vehe wer do ward im ertailt
macht er sich dez gewaltes beweren daz solt er genaissen an seinem rehten daz
bewert er sich d(a)r(a)z als dez landes reht ist vnd dar nach ward im vnd der vor
gen(an)ten samung von den lantlewt(e)n ertailt vnd veruolget mit vrteil vnd
mit vrtail daz si furbaß vrei vnd ledich solten sein vnd beleiben vor aller m(a)n(n)en
daz si in ir(e)m Haws bedorften vnd als man si an gesprochen hat vnd daz der red
also vor mir d(er)volget sei dar vber gib ich in disen brief besigelt mit meim
Insigel der ist geben ze Wienne nach ch(r)istes geburt drewzehen hund(er)t
Jar vnd in dem ainem vnd vierzigistem Jar dez phincztags vor sand Michels
tag