Wir Graf Hainrich von Schaunberch tu(e)n offenber an disem brief und tu(e)n chunt
alln den die in an sehent ho(e)rent oder lesent Das fu(e)r uns ist cho(e)men der Ersam
her Johans zu den zeiten Chumnteu(r) datz dem Chloster auf dem Graben und Wernh(art)
den man nennet Pitzl und Wo(e)lfel sein bru(e)der und Dyemu(e)t ir swester
unde habent di vor genant Wernhart Wo(e)lfel und Dyemu(e)t etleich chrieg
und anspruch gehabt nach dem Gu(e)t ze Hatzmanesperg das zu dem velt ge
schribn Chloster auf dem Graben geho(e)rt und umb den selben chrieg und an
spruch hat sich der ob genant her Johans mit in gantz und gar bericht und
hat in pfenning dar umb gebn dar sy genu(e)gt also das sy noch dhein ir erbe
fu(e)rbas dheinen chrieg noch anspruch weder mit recht noch an recht nach dem
vor genant gu(e)t nicht habn schu(e)ln und schu(e)ln auch wir und unser erbn
des ob geschribn gu(e)ts des vor genanten Chlost(er) recht hern und schirm sein
Und dar u(e)ber ze einem stetem urchunde der warhait gebent di ob ge
nanten Wernh(art) Wo(e)lfel und Dyemu(e)t dem ob geschribn Chloster auf dem
Graben disen offen brief besigilten mit unserm anhangundem Ingsigl das
wir nach ir græzzer pet dar an gehang(en) habn Der brief ist gebn des
Sunntags vor sand Thomas tag des zwelf potn do man zalt von
Christes gebu(e)rde Dreutzehen hundert Iar und dar nach in dem Syben
und viertzigistem Iar