Ich Jnsrid vom clemens vnd ich hans vnd ich Alber vom clemens sein Svn vnd Alle vnser erben Wir vergehen vnd tvn chvnt Allen
den Die den brief lefen oder horent lefen die nv lebent vnd hernach chvnftig sint Daz wir von vnsr gvtem willen mit verdachtem mvt vnd
rat(h) Allr vnser frevnde zv der zeit da wir es wol getvn mochten Verchavfft haben vnsers rehten Aygens vnsern hof gelegen datz
Gwingendorf vnd vier vnd dreizzig Jauch Akchers zwai chlainew wisel vnd vier phvnt vnd sechtzig phennig wienner mvnze
geltes gelegen daselbens auf dreyn halben lehen vnd auf dreyn halben lehen hofsteten havs vnd Alles das daz zv dem vorgenanten hof
gehoret ge veld vnd ge dorf es sei gestift oder vngestift versvcht oder vnversvcht wie das genant ist das weilnt ain erb chnecht
genant der pafvs von vns ze lehen gehabt hat vnd das vns mit recht von dem tode von Jm ledig worden ist denselben
hof vnd was darzv gehoret Als vorgeschriben stet haben wir recht vnd redleich verchavfft vnd geben mit Allen den nvzen vnd
rechten Als es vns von Jm aigentleichen fvrbaz ledig worden ist vnd Als wir es in Aygen gancz her pracht haben Vmb Sehs vnd
Newnzig phvnt wienner phennig der wir gancz vnd gar gewert sein den erbern Gaistleichen herren pruder Nikhlasen von
Fribvrg in swei zv den zeiten Maister des havses ze Mawarperg sant Johans ordens vnd der prvderschaft gemain desselben
havses vnd Allen iren nachkomen fvrbaz ledichleich vnd freileich zehaben vnd Allen iren frvmen damit zeschaffen verchavffen versezen
vnd geben wen si wellen In Allen wisel Vnd dvrch pezzer sicherhait so sezen wir (wie obgenant ich Jnsrid vom clemens vnd
ich hans vnd ich Alber vom clemens sein Svn vnd Alle vnser erben vber den vorgenanten hof vnd swas darzv gehoret Als
vorgeschriben stet den egendnen Gaistleichen herren vnd Allen iren Nachkomen ze rehten Gewern vnd schirm fvr Alle
Ansprach Als Aygens recht ist vnd des landes recht ze Osterreich Wer Aber daz si mit recht An dem vorgenanten
Gut icht abgeng oder Ansprach gewvnnen von wem das wer wold si des schaden nvmen das svllen wir In Alles Avsrichten
vnd widerch(e)rn An Allen iren schaden vnd svllen avch si das haben auf vns samntschichleich vnd auf Allem vnserm gvt
das wir haben in dem lande ze Osterreich von sein lebentig oder tode Vnd daz der chavf fvrbaz also stet vnd vntze
brochen beleib darvber so Geben wir ich Jnsrid vom clemens vnd ich hans vnd ich Alber vom clemens sein Svn fvr vns
vnd fvr Alle vnser erben den obgenanten gaistleichen herren vnd Allen iren nachkomen vnd dem egendnen irem havs ze
Mawarperg den brief zv ainem warn vrchvnd da sich versigiltn mit vnsern insigiln vnd mit hern Nikhlas insigil des
Schennkeln(er)s mein leibgendnen Jnsrids Aydem der dar vmb gezevg ist mit seinem insigil der brief ist geben nach
christes gepvrd drevzehenhvndert Jare darnach in dem Sibentzigistem Jare An sant Petronellen tage