Ich Anna hannsen des Strobl tochter vnd Ich bruder hanns p(ar)tting ze Newnburgk klosterhalbn
veriehen fur vns vnd all vnser erbn vnd miterbn vnd tun kund offenleich mit dem brief alln lewten gegnburtign
vnd kunftign das wir mit gutem willen vnd wolbedachtem mut zu der zeit da wir es wol getun mochten
vnd auch mit vnsers brunnherrn hannden des edeln erbidign vnd geistleichn h(er)rn h(er)rn Stephans des
ebtes zu den zein maister ze martperg Sannd Iohanns orden recht vnd redleich abzelosen gegebn habn
vnd gebn auch wissentleich in kraft des briefs all vnser erbschaft vnd gerechtigkait so wir gehabt habn an
dem weingarttn genat der Rinfalsatz des funfthalb viertail sind gelegn in martperk p(er)ig genat auf den
Bergen mit aine(m) rain zenagst dietl des muller vnd mit dem andern rain zenagst Thoman des Schedel
weingarttn dauo(n) man dient aine(m) yedem maister daselbs ze martperg Newnzehn wienn(er) pfennig vnd ain
helling cze purkrecht an Sannd Iohanns tag vnd ainen halbn weingarttn daselbs cze martperg in der
Swerdhen alten point gelegn mit aine(m) rain czenagst der haissleistlin vnd mit dem andern rain zenagst
hensl des heltl weingarttn vnd ain viertail weingarttn auf der tafel gelegn mit aine(m) rain czenagst
Oettn des kamstauff vnd mit dem andern rain zenagst des Zmiel weingarttn vnd in der obern Wolfenaw
ain viertail weingarttn gelegn zenagst der hapleim vo(n) dyenburg vnd Peter des waster weingarttn
Von den selbn vier viertailn weingarttn man aine(m) yedem maister cze martperg dint aine halben emer(er) wein
most cze purkrecht vnd nicht mer vnd die vor zeitn Petern des Vogel vnsers frewndt gesessen cze
weikersdorf gewesen sind vnd die mit erbschaft nach abgang desselbn peter vogl auf vns als auf die
nagsten frewndt geualln sind die vorgenantn weingarttn mit alln irn zugehorungn habn wir recht vnd
redleich abzelosen gegebn dem edeln Borig(n) dem Tobler vnd seinen erbn vmb ain Sum(m) gelts der wir gantz
vericht vnd gewert sein Also das der benat Borig Tobler vnd sein erbn mit den benantn weingarttn nun
furbas alln irn nutmen schaffen sulln vnd mugen mit vkauffen v(er)seczen schaffen machen vnd gebn wem
sy wellent an alln irrtug Wir sein auch des ir rechter gewer furstand vnd schirm fur all anspruch als solhes
ablosens gebens vnd purkrechts in dem lannd cze Osterreich recht ist Wer auch das in furbas icht krieg od(er) anspruch
daran auf erstuenden mit recht wo der benan(t) hannsen des Strobl tocht(er) oder wo irn erbn vnd miterbn oder ob
in mit recht daran icht abgieng was sy des schaden nement das sulln wir in alles aufrichtn an alln irn
schaden vnd sy sulln das habn zu vns vnd vnsern erbn vnuschadenleich vnd darzu auf allem vnserm
gut das wir habn in dem lannd cze Osterreich oder wo wir es habn mohtn aufgenomen wir sein lebentig od(er)
tod mit vrkund des briefs besigeltn mit des vorgenan(tn) vnsers brunnherrn h(er)rn Stephans des ebtes anhangundm
Insigl darvnder wir vns v(er)pinden mit vnsern trewn angouerd alles das stet zehabn so vor geschriben
stet wan wir aign Insigl nicht enhabn der sachn sind gezeug durch vnser vleissign gepet willen
die edeln hanns wagens vnd Benedit Newfidler mit irn anhangunden Insigeln In vnd irn erbn an
schaden Gebn ze martperg an Sand Erharts tag nach k(r)isti gepurd vierzehenhundert iar vnd darnach
in dem funf vnd dreissigistem Iare