Ich Hartman von Holenstain vnd mein hausvraw vraw Elspeth
vnd mein svn Otto tvn chvnt allen den die disen prief an
sehent oder horent lesen daz wir des gewer sein des guetes
daze Pazmansdorf daz der Mvlinner von Sunberch verchuffet
hat dem meister von Zvetel vnd der samnunge mit samt
im als aigens reht ist vnd geben dar vber disen prief versigelt
mit vnsern ingesigel ze einem vrchvnde vnd die geczeuge d(er)
namen hie gescriben sint her Hadmar von Sunberch her Otto von
Zvetel her Stephan von Meissau vnd andern den iz chvnt ist