Ich Wolfhart der Flusdorfar ze den zeiten der siechen maister datz sand Lasers. Vnd ich seifrit zv den
zeiten der selben siechen Amman. Vnd di gemayn der siechen aller di ze der zeit in dem haus waren.
Wir siehen vnd tun chvnt in disem gegenburtigen prief. Allen den di in sehent oder hovent lesen. daz
wir mit gemainen rat. Vnd mit gutem willen. den erbaigen hren vnd dem orden hintz sand Johans
ze wienn in der charentr straz. haben auf gegeben ledichlich vnd vreilich. vnsern grunt. den wier
heten datz Jungenhaid auf irem gut. vnd da si vns vor von gedient habent. all iar siben schilling vnd
zehen phennig wienner mvns. daz si den selben grunt. vnd daz selb gut furbz schullen haben ledichlichen vn
freilichen. Vnd vns noch vnserm haus noch vnseren nachchomen. die vor genanten siben schilling vnd zehen
phennig nimer liehen schullen. noch auch dhain dienst vns noch nieman da von geben schullen. Vnd si iz
furbaz fur ein freies aigen haben schullen. mit der beschaidenhait. daz si vns auz dem vorgenanten aigen.
ze Jungenhaid ge geben habent zwen akcher. di da ligent vor vnserm haus. daz wir di selben akcher auch
ledichlich vnd vralich haben schullen allen vnsern frum da mit ze schaffen. vnd daz in vnd vns diser wech
sel stat vnd vn ge prochen beleib. dar uber geb wir in disen prief ze einem waren vrchund. vnd ze ainer
ebigen vestenung diser sach. besigeltin mit vnserm Insigel. dez sint gezeug. pruder hainrich der viztum.
pruder Engelrich. vnd her wolfram der amman in der schefstrasz. vnd her hainrich der Lorav. vnd her
Marchart di vorsprechen. Vnd ander frum laut genvg. di diser sach gezeug sint. Diser prief ist ge
gegeben ze wienn. do von christes gepurt waren ergangen drevzehen hvndert Jar. dar nach in
dem zwaintzisten iar. an sand philips. vnd an sand Jacobs tag.