Ich Hans der Schüßler und ich Margret sein hausfrowe. wir vergehen und tün chunt allen den die disen brief lesent oder hörent lesen die nu
lebent und hernach chünftich sint. Daz wir mit unser erben gůten willen und gunst mit verdachtem müt. und mit gesamter hant zu der zeit
do wir es wol getün mochten. und mit unsers Perchherren hant des erbern gaistleichen Herren Pruder Chůnrats von Hauspach zü den zeiten Com
teur des Haus datz sant Johans in der Chärnerstrazze ze wienne. Verchauft haben unsern weingarten gelegen an dem Wolfelle des ein halbs
Jauch ist ze nächst des Chůenastleins weingarten. da man von unserm weingarten alle iar dient den Herren datz sant Johans. fünf und dreiz
zich pfenninge an sant Jörgen tage. und fünf und dreizich pfenninge an sant Michels tage ze rechtem Perchrecht und nicht mer. den
vorgenanten weingarten haben wir recht und redleich verchauft und geben mit alle dem nutz und recht als wir in in perchrechtes ge
wer her pracht haben. umb zwelif phunt wienner pfenninge der wir güt und gäntzleich gewert sein. Der erbern Junchfrowen
vrow Christein am Tůln. und irn erben. fürbaz ledichleichen und vreileichen ze haben. und allen irn frumen da mit ze schaffen ver
chäuffen versetzen und geben swem si wellen an allen irrsal. und sein auch wir und unser erben unvertzaidenleich. des vorgenanten
weingarten. der egenanten vrow Christein und irn erben oder swem si den selben weingarten beschaidet der geit recht gewern und
beschirm für alle ansprach als Perchrechtes recht ist. und als Landes recht ze Österteich. wär aber daz si fürbaz mit recht
an dem selben weingarten icht chrieges oder ansprach gewunnen. swaz si des schaden nement den suln wir in alles aus richten und
wider cheren an allen irn schaden. und suln auch si des haben auf uns unvertzaidenleich. und auf allem unserm güt daz wir haben in
dem Lande ze Österteich wir sein lebentich oder tode. und daz diser chauf fürbas also stät und unzerbrochen beleibe. dar
über so geben wir in disen brief zü einem warn urchunde. und zü einer ewigen vestnunge. diser sache versigilt mit unsers
Infigil. und mit unsers Perchherren Infigil des vorgenanten erbern gaistleichen Herren Pruder Chůnrats von Hauspach. der
diser sache gezeuge ist mit seinem Infigil. Diser brief ist geben ze wienne nach Christes geburt Dreutzehen Hundert
<transcript stopped because model output began looping; manual review required>