Wir abbt Liebhart ze Alderspach vnd all(er) conuent da selbn tůn offenber mit dem brief vnd tůn
chůnt alln den di in sehent horent od(er) lesent Daz wir mit wolbedachtem můt vnd mit gůt(er) ge=
wizzen stæt vnd redlich ze chæuffen habn gegebn Thoman dem Puhmaist(er) von Lincz Margretn sein(er)
hawsfrawn Eln chnůcçel von speising pehten sein(er) hawsfrawn Hænsleins von sand Veit sein(er) haws=
frawn vnd alln iren erbn vnsern weingarten datz Lincz d(er) da leit ind(er) tolpewnt dez im tæich ist
mit alln den rehten alz wir in gehabt habn da man all(e) Iar von dint ze purckreht sæhs vnd
dreizzig pfenn(ing) wien(er) ze hůnre comenteur von Loch(er) vmb zwelf pfunt wien(er) pfenn(ing) auf sand Merten
tag d(er) im selherle hůnpt vnd sůlln vns alle Iar di weil si inicht ablosen da von gebn vnd raichn
zwelf schilling wien(er) pfenn(ing) vnczogenlichn ze rehtem dinst awch auf sand Merten tag Tůtn si dez nicht
also daz si vns den vorgn(anten) dinst auf di vorgn(anten) zeit nicht gæbn alz obn benant ist so vallen sich wandel
dar auf alz purckreht(es) reht ist in dem land ze ost(er)reich vnd sůlln wir dann furbaz di vorgn(anten) zwelif
pfunt pfenn(ing) vnd dar zü di zwelf schilling dinst(es) habn auf vns(er)m vorgeschribn weingarten ze Lincz
an all wid(er)red chrieg vnd ansprach wann si vns di zwelf pfunt wien(er) pfenn(ing) vnd dar zü di zwelif
schilling dinst(es) gebn an dem vorgn(anten) sand Merten tag so ist d(er) oftgen(ante) weingart ir gechæufftes gůt vnd
sůlln vnd mogn da mit irn frum schaffen vnd tůn mit seczzen vnd mit schæuffen wie si wellent
vnd des ze d(er) ze ainem sich(er)n vrchund habn wir in den brief sigeln mit vns(er)m vnd vns(er)s
conuents anhangundn Insgeln Der gebn ist nach christes gepůrd drewczehn hund(er)t Iar dar nach
in dem fůnf vnd fůnfczigistem Iar an sand pawls tag alz er bech(er)t wird :—