Ich Jans an dem Chreuzticht ze den zeiten Geriht ze Wienne Vergich offenlich an disem brief daz fur mich
chom an di purgerstram ze Wienne do ich saz an offem Geriht der erber man Wlreich ze den zeiten Gaf
fur daz haws daz sand Johans gelegen an der chernerstraz ze Wienne vnd chlagt mir ansprechen
an desselben haws stat auf ain prunestat gelegen an Gruben an der Gessestraz ze Wienne di mein
her Ortleib in dem Gerten gewesen ist vnd di er an ze recht haimleiche hawe des Geissler vmb
funfzig wienn(er) phening ewige(n)s Gruntrehts vnd vmb alle di Gwiss di mit Reht dar auf er
tailt vnd gegangen sind als mir daz ich in mit Reht weiz dar auf gab Wernharten den zehen
ner vnd Petrein den herdlein di zwen ansprechen di haben auch dar vmb gesagt mir in irem
air offem Geriht daz si di vorgenante prunestat mitsampt den imbiczen haben beschaiden vnd
geschaiden daz si ze reht nicht mist als daz ewige(n) Gruntreht vnd di Gwiss di mit Reht dar
auf ertailt vnd gegange(n) sind Vnd hat auch der rihter mit meinem vrteilen di zwen diselbigen
prunestat den purgerstram vnd di purgerstram vmb ir purgreht daz si auf derselbigen prune
stat habent vnd di her nach geschriben stant des ersten den Tempelherren vmb zwai phunt
wienn(er) phening gelts purgrehts di er auf derselbigen prunestat hat dar nach di den ge
rehtes Vnd di erben deselben zeiten daz sand Nielas ze Wienne vmb ain halbes phunt wien
ner phening gelts purgrehts Vnd der rihter di erben deselben zeiten daz sand Jacob auf
der hube ze Wienne auch vmb ain halbes phunt wienn(er) phening gelts purgrehts daz
si alles auf der egenante(n) prunestat hieten Vnd sagt auch inen vrteil vmb dasselbig an
geriht mit Reht wer Da ward ertailt vnd geniel auch do dem egenante(n) Wlreich mit
reht vnd mit vrtail Seid der egenant Wlreich noch di purgerstram noch ir anwalt noch
niempt in ir wegen nach dem anpieten nicht fur Reht chomen wern Vnd alles ir pur
reht daz si auf der vorgenante(n) prunestat hieten an offem Geriht nicht antwurt hieten
So sol auch dasselbig alles ir purgreht ab derselbigen prunestat genzlichen vnd gar ab sein
Also daz man daz purgreht nicht mer da von dienen noch laisten sol Vnd sol auch mir der ege
nant Wlreich mein Reht geben daz hat er getan Vnd sol ich di erben deselben zeiten daz
sand Johans in der chernerstraz ze Wienne der vorgenante(n) prunestat gewaltig machen
vnd an di Gwer seczen daz han ich auch getan furba(z) leibchleichen vnd verlaissen ze haben vnd ze
len in frumen da mit ze schaffen ze chaufen ze geben vnd ze lan swem si wellen an allan in sal
Vnd sol ich In des mein vrchund geben Vnd des ze vrchund so hab ich In disen brief versiglt
mit meinem Insigil Der Geben ist ze Wienne nach chrysti Gepurd Dreuczehen hundt
Jar dar nach in dem Neun vnd funfzigistem Jar des naehsten mitichans nach sand
Gertrauden tag