Wir Chvnrat ~der~ Veyntger Probſt des Gotzhawſes ze ſant Florian Vnd wir der Conuent gemain daſelbs tvn
offenlich an dem Prief daz wir von des gepots wegen ~des~ edeln vns(er)s herren h(er)rn Rvdolfen hertzogen
ze Oſterreich ze Steyr ze Kærnden vnd ze Krayn Graf ze Tyrol phleger ze Pæſſaw ze wienn vmb vn
ſer(er)s chloſters geſcheft hie recht vnd redlich abgelaſſen haben dem erſamen herren h(er)rn Vlreich
ſant Iohanns Orden in der Chærnerſtraſſen ze Wienn vnd ſchaffær deſſelben hawſe daz ſant Iohanns
iſt vmb zehen phvnt wienn(er) phennig gelts Pvrchrechts daz wir gehabt haben awf dem egrvndten haws
daz ſant Iohanns in der Chærnerſtraſſen ze wienn vmb vier phvnt wienn(er) phennig der er vns ge
geben hat vnd geantwurt hat mit der beſchaidenhait daz wir noch all vnſer nachkomen fvrder
awf demſelben haws daz ſant Iohanns noch awf den gvten die darzv geho(e)rent chain
chvmber noch anſprach mer machen mvgen an chaine end noch chaine weis noch chain recht
ne(m)men ſvllen wider geiſtlich noch werntlich Wer aber daz fvrder i(m)mer chain anſprach wærd
vmb daz halbe zehen phvnt gelts Pvrchrechts vnd daz daz haws daz ſant Iohanns darvmb
bechvmbert wvrd von ſwen daz wær diſe(l)ben Prief ſvllen aller chraft vnd all(er) macht lærig ſein vnd chaine
chraft mer haben Vnd des ze vrkvnd ſo geben wir diſe(n) Prief verſigelt mit vnſern baiden
Inſigeln des Probſts vnd des Conuents des egnanten Gotzhawſes ze ſant Florian Der geben
iſt ze ſant Florian an dem náchſten phintztag vor aller hailig(en) tag nach chriſts gepvrt drewzehen hvndert
Iar darnach in dem fvnf vnd ſechtzigiſtem Iar